Nan̈ino ma Anaro Tsy Man̈ano Paka?

Raha matetiky volan̈inolo

Tsy marin̈y: Vavolombelon̈o Jehovah tsy man̈ano Paka, fotony iro tsy mino Jesosy.

Ny marin̈y: Zahay mino Jesosy, fotony izy namonjy atsika. Zahay koa man̈araka raha nataony, eraka ny vitanay.—1 Petera 2:21; Lioka 2:11.

Tsy marin̈y: Anaro tsy mino Jesosy nitsangana zen̈y.

Ny marin̈y: An̈isany raha maventy amy finoan̈a kristianin̈y Jesosy natsangana Zan̈ahary zen̈y. Zahay mino zen̈y, baka io koa mampianatra zen̈y olo.—1 Korintianina 15:3, 4, 12-15.

Tsy marin̈y: Anaro tsy tia zanaka, fotony iro tsy imboanaro man̈ano Paka.

Ny marin̈y: Zahay ten̈a tia zanaka. Zahay mifen̈y man̈ano eraka ny vitanay mampianatra iro ndreky man̈ano raha mamparavoravo iro.—Titosy 2:4.

Nan̈ino ma Vavolombelon̈o Jehovah tsy man̈ano Paka?

Fankalazan̈a Paka io tsy baka amy Baiboly.
Jesosy tsy nan̈iraka atsika hankalaza andra nitsanganany fa andra nifatesany fo nirahiny ankalazain̈y. Isaka taon̈o zahay mankalaza andra nifatesany io, mifan̈araka amy kontinandra amy Baiboly.—Lioka 22:19, 20.
Zahay mino fa tantara naviany Paka io baka amy panompo sampy, ke Zan̈ahary tsy mankasitraka izio. Zan̈ahary mila atsika manompo izy zaraiky fo, ke izy tsy man̈eky olo manompo izy han̈ano fomba tsy fan̈araka aminany.—Eksodosy 20:5; 1 Mpanjaka 18:21.

Baka amy raha inoanay amy Baiboly ao mahavy zahay tsy man̈ano Paka io, fotony volan̈iny ao fa tokony volan̈a Zan̈ahary arehan̈a fa tsy volan̈anolo. (Ohabolana 3:21; Matio 15:3) Ndray izy man̈ano zen̈y, zahay koa fa man̈azava raha inoanay aminolo, zahay tsy manery olo tsy hankalaza izio, fotony samy olo mifidy raha tiany hatao.—1 Petera 3:15.