Ino Raha Koran̈iny Baiboly Momba Olo Man̈ano Tran̈o Araiky Kanefa Tsy Vita Mariazy?

Valiny baka amy Baiboly

Koran̈iny Baiboly fa tiany Zan̈ahary olo ho ‘fady fijangajangan̈a.’ (1 Tesalonianina 4:3) Dikany fijangajangan̈a zen̈y olo mandiadia vady, lelahy manambady lelahy na man̈angy manambady man̈angy, avio koa firaisan̈a ataonolo tsy fivadiany.

• Nan̈ino ma ten̈a raha maventy amy Zan̈ahary vadian̈a aradalàn̈a na tsy tsy aradalan̈a zen̈y?

• Mety ma izikoa olo man̈ano tran̈o araiky antsendriky mifampizaha jery baka hahaizan̈a fa mifandanja tsarabe iro?

• Akory atao baka hankafatatra vadian̈a?

Nan̈ino ma ten̈a raha maventy amy Zan̈ahary vadian̈a aradalàn̈a na tsy aradalan̈a zen̈y?

• Zan̈ahary namoron̈o vadian̈a io. Taminizy nampitambatra Adama ndreky Eva nan̈anovany zen̈y. (Genesisy 2:22-24) Tsy tan̈atiny fikasan̈any Zan̈ahary foeky lelahy ndreky man̈angy tsy vita mariazy kanefa man̈ano tran̈o araiky zen̈y.

• Zan̈ahary mahay raha ten̈a mahatsara olombelon̈o: Zan̈ahary koa fa namoron̈o vadian̈anolombelon̈o, tiany hahadin̈y ela izio, baka hahatsara fianakavian̈a ndreky hiarovan̈a iro. Diniha baka ohatra ty: Ndraikindraiky atsika koa fa mivanga entan̈a antran̈o, misy toromariky baka aminolo nan̈amboatra izio miaraka aminany. Baka amizio ahaizantsika akory fomba hanambatambaran̈a izy. Karaha zen̈y koa Zan̈ahary. Izy man̈amia toromariky hahasambatra fianakavian̈a. Hahazo hatsaran̈a fo olo izikoa man̈araka fitsipikiny Zan̈ahary.​—Isaia 48:17, 18.

  

• Mety hisy vokany ratsy firaisan̈a ataonolo tsy fivadiany. Mety ho vesatra tsinia izio, aretin̈y azo baka amy firaisan̈a ndreky aretimpo.

Mety ma izikoa olo man̈ano tran̈o araiky antsendriky mifampizaha jery baka hahaizan̈a fa mifandanja tsarabe iro?

Tsy mila man̈ano zen̈y olo tsy vita mariazy zay iro vo ho sambatra. Hahaihifankatia fo iro izikoa samy man̈aja voadiny fanambadian̈a nataondro ndreky miaraka mitady vahaolan̈a, izikoa iro tojy problemoa. Iro koa man̈ano karaha zen̈y, tsy an̈atiny eritreritrindro foeky hisaraka zen̈y.​—Matio 19:6.

Akory atao baka hankafatatra vadian̈a?

Tsisy vadian̈a tsisy problemo foeky. Fa izikoa iro fivadiany samy man̈araka raha torohevitriny Baiboly, iro ho sambatra fo. Ty sasany amy torohevitry aby zen̈y:

• Raha ilainy vadinao antsendriky zahava zay vo ninao.​—1 Korintianina 7:3-5; Filipianina 2:3, 4.

• Mifen̈a baka hifan̈aja ndreky hifankatia.​—Efesianina 5:25, 33.

• Miritrireta tsarabe antsendriky alohany mivolan̈a.​—Ohabolana 12:18.

• Mifen̈a baka haharidraha ndreky hamela heloko.​—Kolosianina 3:13, 14.