3. Akory ataony Vavolombelon̈o Jehovah mangala tahaka fitiavan̈any Jesosy?

Ten̈a tiany Jesosy mare iro pianatranany aby io, ke efa karaha olo kibo araiky taminany fitondrasany iro io. (Vakia Marka 3:35.) Tsisy ny hafa amy zen̈y koa ataony Vavolombelon̈o Jehovah erantany amy zioty. Zahay miray sain̈y ke mifandray tsara, efa karaha olo kibo araiky. Zen̈y mahavy zahay mifampikaiky rahalahy ndreky ranabavy. (Filemona 1, 2) Zahay koa man̈araka didy ty: “Tiava iro rahalahy jiaby amy finoan̈a.” (1 Petera 2:17) Maro fomba an̈aboahany Vavolombelon̈o Jehovah fitiavan̈a io. Ohatra amy zen̈y, izikoa misy namanay tatrany antambo, zahay jiaby erantany man̈ampy.

6. Olo araiky koa vita batisa, izy manjary an̈isany fianakavian̈any Jehovah

Olo araiky koa vita batisa, manjary an̈isany fianakavian̈a miray sain̈y, erantany. Mitovy fo raha inoanay ndreky fitsipiky arahinay, nata zahay samy amy tany faviany ndreky tsy mitovy kolontsain̈y. Vakia Salamo 25:14 ndreky 1 Petera 2:17, avio iaraha dinihin̈y fan̈ontanian̈a ty:

• Nan̈ino batisa io misy vokany amy fifandraisanolo araiky amy Jehovah ndreky aminolo hafa manompo Jehovah?

Atsika koa fa miaraka amindro rahalahy ndreky ranabavy aby io, mira raha tsapany Panjaka Davida ty fo raha tsapantsika: “Farandraha tsara ndreky pare eky izikoa olo pirahalahy mahay miaraka miain̈y sady miray sain̈y!” (Salamo 133:1) Fa firaisantsain̈y io tsy aviavy hoazy. Atsika tsiaraikiaraiky samy mila man̈ano raha hampitohy izio.

1. Ino raha mampiavaka vahoakany Zan̈ahary?

Anao koa mandeha mivory amy tany tsy mitovy fivolan̈ana aminao, anao raisindro tsara fo. Fotony nan̈ino? Fotony mitovy fo raha ianarantsika amy fivorian̈a erantany. Mifen̈y koa atsika mifankatia. Na aia na aia misy atsika, atsika jiaby ‘mikaiky an̈arany Jehovah, avio miray sain̈y manompo izy.’​—Zefania 3:9.

2. Ino raha mety hataonao baka hampisy firaisantsain̈y?

“Mifankatiava mare amy fô jiaby.” (1 Petera 1:22) Akory han̈arehanao torohevitry io? Aza mizaha toetry ratsinolo, fa mifantoha amy toetry tsaranany. Aza olo fankazatra aminao fo ataonao kamarady, fa mikoràn̈a amindro rahalahy ndreky ranabavy tsy mitovy aminao koa. Mila mifen̈y koa atsika baka tsy han̈avakavaka foeky.​—Vakia 1 Petera 2:17.a

3. Izikoa misy rahalahy na ranabavy tsy fankahazo aminao, ino raha tokony hataonao?

Atsika ndray mifankatia, atsika io mbala samy tsy lavorary. Ke atsika mety handiso fan̈antinan̈a namantsika na mety hampameloko iro. Fa Volan̈a Zan̈ahary mandrisiky atsika ‘hifan̈ambela hadisovan̈a’ avio nampiany: “Nifafany Jehovah tsisy tavela hadisovan̈anaro, ke mila man̈ano karaha zen̈y koa anaro.” (Vakia Kolosianina 3:13.) Efa impirimpiry atsika nan̈ano raha nampalahelo Jehovah, fa izy man̈ambela hadisovan̈antsika fo. Ke izikoa hainao fa anao nan̈ano raha nampalahelo olo, mifen̈a mihavan̈a aminany.​—Vakia Matio 5:23, 24.b

ALEVA ONON̈O

4. Akory tokony hatao baka tsy han̈avakavaka?

Atsika jiaby tia rahalahintsika ndreky ranabavintsika aby io. Fa kanefa, mety ho sarotro amintsika ho tia iro olo tsy mitovy amintsika. Ino raha mety han̈ampy atsika? Vakia Asan’ny Apostoly 10:34, 35, avio iaraha dinihin̈y fan̈ontanian̈a aby ty:

• Tiany Jehovah hanjary Vavolombelon̈onany aby karazan̈olo jiaby. Akory hangalanao tahaka izy amy fiheveranao iro rahalahy ndreky ranabavy tsy mitovy tany favian̈a aminao?

• Ino raha ataonolo aminaro an̈y ahitan̈a fan̈avakavahan̈a olo, ke tsy tianao harehan̈a?

Vakia 2 Korintianina 6:11-13, avio iaraha dinihin̈y fan̈ontaninan̈a ty:

• Nan̈ino ma anao tokony hianatra ho tia iro rahalahy ndreky ranabavy tsy mitovy tany favian̈a aminao?

5. Mifen̈a hamela heloko ndreky hihavan̈a aminolo

Jehovah tsiary diso, fa izy man̈ambela hadisovan̈antsika fo. Vakia Salamo 86:5, avio iaraha dinihin̈y fan̈ontanian̈a aby ty:

• Karakory ataony Jehovah mamela helokonolo?

• Nan̈ino tianao izy mamela heloko zen̈y?

• Ino raha hitanao mampasarotro mihavan̈a aminolo?

Akory hangalanao tahaka Jehovah, baka anao hiray sain̈y amindro rahalahy ndreky ranabavy aby io? Vakia Ohabolana 19:11, avio iaraha dinihin̈y fan̈ontanian̈a ty:

• Ino raha tokony hataonao, izikoa misy olo man̈ano raha mampameloko anao?

Ndraikindraiky koa atsika mety hampameloko olo. Izikoa zen̈y ny raha misy, ino raha tokony hataontsika? Alifasa VIDEO io, avio iaraha dinihin̈y fan̈ontanian̈a ambany io.

VIDEO: Ho Sambatra Olo Tia Fihavanan̈a (6:01)

• Tamy video in̈y, akory nataony ranabavy araiky nan̈ano raha nihavan̈ana tamy ranabavy in̈y?

6. Toetry tsarandro rahalahy ndreky ranabavy aby io fo zahava

Atsika koa fa mifanerasera amindro rahalahy ndreky ranabavy aby io, haintsika toetry tsarandro ndreky toetry ratsindro. Karakory tokony hataontsika, baka toetry tsarandro fo ten̈a zahantsika? Alifasa VIDEO io, avio iaraha dinihin̈y fan̈ontanian̈a ambany io.

VIDEO: Mifen̈a Baka Hahaitsara Toetry Fo! (5:10)

• Ino raha han̈ampy anao hizaha toetry tsarandro rahalahy ndreky ranabavy aby io?

Toetry tsarantsika fo zahavany Jehovah. Vakia 2 Tantara 16:9a, avio iaraha dinihin̈y fan̈ontanian̈a ty:

• Ino raha tsapanao izikoa fa hainao fa toetry tsarantsika fo raha zahavany Jehovah?

INO RAHA NIANARANAO TATO?

Han̈ampy fiangonan̈a hiray sain̈y anao, izikoa mamela heloko ndreky tia iro rahalahy jiaby ndreky ranabavy jiaby ao.

Fan̈ontanian̈a Fameren̈ana

• Akory tokony hataonao baka anao tsy han̈avakavaka?

• Ino raha tokony hataonao, izikoa misy olo tsy fankahazo aminao?

• Nan̈ino ma anao mba tihamela heloko karaha Jehovah?

ZAHAVA

Diniha amy fan̈oharan̈a nataony Jesosy ty ino raha han̈ampy anao tsy hitsara olo.

Adosoa Vatany Kakazo Io (6:56)

Mbala mila man̈ano azafady fo ma atsika, ndray tsy atsika ny diso?

“Fan̈anovan̈a Azafady Mampisy Fihavan̈ana” (Tilikambo Fiambesan̈a 1 Novambra 2002)

Zahava akôry nataon’olo sasany baka irô tsy nan̈avakavaka olo.

Aza Mitsara Olo Baka amy Raha Hitanao Ambelan̈a (5:06)

Diniha akory tokony hataonao izikoa misy olo tsy fankahazo aminao amy fiangonan̈a, baka izio tsy handrobaka firaisantsain̈iny fiangonan̈a.

“Mifen̈a Fo Man̈aboaka Fitiavan̈a Izikoa fa Man̈ano Raha Ihavanan̈a” (Tilikambo Fiambesan̈a May 2016)