Fianaran̈a 11

Man̈ino ma Zahay Man̈ano Fivoriambe?

Vavolombelon̈o Jehovah a Meksiky man̈ano fivoriambeny vondroparitr — Meksiky

Man̈aboaka boky vaovao tamy fivoriambeny vondroparitry tan̈y Allemagne — Allemagne

Vavolombelon̈o Jehovah ta Botswana man̈ano fivoriambeny vondroparitry — Botswana

Tsaiky lelahy atao batisa ta Nikaragoà — Nikaragoà

Olo misoma tantara tamy fivoriambeny vondroparitry tan̈y Italy — Italy

Fivoriambe koa fa avy, Vavolombelon̈o Jehovah jiaby ravoravo. Rango tamy faha Israelita, izio efa nisy. Iro nan̈aton̈o fivoriambe intelo isaka taon̈o. (Deoteronomia 16:16) Zahay koa man̈ano fivoriambe, intelo isaka taon̈o. Isaka taon̈o, misy fivoriambeny faritry aroe, ke andra araiky fo an̈anovan̈a fivoriambeny faritry tsiaraikiaraiky. Misy fivoriambeny vondromparitry koa atao an̈atiny telo andra mifanesy. Man̈ino ma zahay man̈aton̈o fivoriambe io?

Izio mahay mampihavan̈a zahay fo. Namparavoravo Israelita aby io nanompo Zan̈ahary niaraka tamy namandro marobe. Mira zen̈y koa zahay izikoa fa man̈aton̈o fivoriambe. (Salamo 26:12; 111:1) Amy leranio zahay jiaby fanojy, miaraka mikoran̈a, miaraka mivory, baka io miaraka mihina izikoa fa matsan̈a. (Asan’ny Apostoly 2:42) Zen̈y mahavy zahay jiaby fankahay, mira olo pihavan̈a.—1 Petera 2:17.

Izio mandrisiky zahay hanompo Zan̈ahary. Israelita aby io koa fa nan̈aton̈o fivoriambe, nazavain̈y tamindro raha tiany Soratra Masin̈y koran̈iny, ke nanjary nazava tamindro tsarabe. (Nehemia 8:8, 12) Mianatra Baiboly koa zahay, isaka fivoriambe io. Misy kabaro baka amy Baiboly, kabaro mifampitohy baka amy Baiboly, fampisehoan̈a an̈azavan̈a Soratra Masin̈y, baka hahaizan̈a han̈ano sitrapony Zan̈ahary. Lera fivoriambe telo andra, misy olo misoma tantara baka amy Baiboly. Izio mampianatra zahay han̈araka raha koran̈iny Baiboly ndreky azahoan̈a fan̈anaran̈a maro. Izikoa misy olo nanokanten̈a tamy Jehovah, lera fivoriambe izy atao batisa.

Nan̈ino ma mamparavoravo man̈aton̈o fivoriambe?
Nan̈ino ma anao tokony han̈aton̈o fivoriambe?