FIANARAN̈A 6

Hazavà Tsara Lan̈iany Andininy Ampiasainao

Jaona 10:33-36

RAHA MILA ATAO: Tsy mety izikoa vakin̈y fo andininy araiky avio mifindra aminy hevitry man̈araka. Ataova mazava tsara raha ifandraisainy andininy vakinao ndreky hevitry koran̈inao.

AKORY HAN̈ANOVAN̈A IZIO?

Avaha tsara volan̈a ampiasainao. Anao koa fa baka mamaky andininy araiky, aboaha aia amy volan̈a aby io mifandray aminy hevitry maventy hazavainao. Mety hampodinao tonon̈ony volan̈a aby io, na anao mampiasa fan̈ontanian̈a baka hainolo mitandren̈y anao aby io man̈avaka volan̈a tianao aboaka.

Izikoa anao ampiasa volan̈a hafa hivolan̈ana hevitry baka aminy andininy nivakinao io, volan̈a mitovitovy amy volan̈a ao fo ampiasain̈y, tsao tsy ho hainolo fa baka taminy andininy io fo hevitry koran̈inao io.
Ankamafisa hevitry maventy. Izikoa hazavainao antony hamakianao andininy araiky, alohany anao hamaky izy, hazavà nan̈ino mifandray fan̈azavan̈anao io ndreky volan̈a aminy andininy io.

Tàna mibian̈a fo Baibolinao, anao koa mbala man̈azava andininy io. Amizen̈y hainolo aby mitandren̈y anao io fa mifandray raha volan̈inao ndreky andininy nivakinao io.
Ataova tsotra fan̈azavan̈anao. Aza mikoran̈a hevitry tsy ten̈a ilain̈y. Mety ho efa mahay momba fotokevitry koran̈inao io olo. Lan̈iany hevitry ten̈a hampazava tsarabe izio fo koràn̈a.