FIANARAN̈A 11

Mifen̈a Hafana Fô

Romanina 12:11

RAHA MILA ATAO: Mifen̈a hafana fô izikoa efa mivolan̈a, hazoto han̈araka raha koran̈inao edy olo.

Saintsain̈a tsarabe izio baka hanohin̈y fonao. Anao koa fa man̈oman̈a anjaranao, aleva onon̈o tsarabe nan̈ino ten̈a maventy hafatra ambaranao io. Omàn̈a tsarabe izio, baka hainao man̈azava izy baka amy fô.
Aleva onon̈o olo mitandren̈y anao. Diniha nan̈ino ten̈a mahatsara izy raha hivakianao na hampianarinao io. Avio aleva onon̈o ino raha mety atanao baka izio hazava tsarabe aminany.
Aza atao mampatoro anjaranao io. Ataova mafana koran̈anao. Soranao ndreky fihetsikinao ahaizan̈a fa baka amy fô raha koran̈inao. Kanefa aza amboamboarin̈y loatra soranao ndreky fihetsikinao.

Aza atao mitovy fo fihetsikinao. Olo mety hifantoko amy zen̈y fo. Ataova mifan̈araka amy raha volan̈inao fihetsikinao. Ataova mafana tsarabe koran̈anao koa fa han̈azava hevitry maventy ndreky handrisiky olo mitandren̈y anao han̈ano raha. Kanefa tandrema tsao mafana loatra rango amy voanalohany firaka amy farany kabaronao io. Mety ho hempaka olo mitandren̈y anao.