FIANARAN̈A 1

Fampidiran̈a Mety Tsarabe

Asan’ny Apostoly 17:22

RAHA MILA ATAO: Fampidiran̈a ampiasainao io tokony hahavy olo tihitandren̈y anao, hahay raha hikoran̈inao, baka iô hahita nan̈ino izio ten̈a ilainolo aby mitandren̈y anao.

AKORY HAN̈ANOVAN̈A IZIO?

Baka hampitihitandren̈y. Mitadiava fan̈ontanian̈a araiky, na tantaranolo, na volàn̈a raha hafa mety hampazoto olo hitandren̈y anao.

Diniha tsialohaloha ino hevitry tianolo mitandren̈y anao ndreky ino raha mety mampiasaloha iro, avio ataova mifan̈araka amy zen̈y fampidiran̈a io.
Baka ho hay raha hikoran̈inao. Mila azonao antoko fa fampidiran̈a ataonao io hahaizanolo ino raha hikoran̈inao ndreky ino tanjon̈onao aminany io.
Baka ho hita fa ten̈a maventy raha hikoran̈inao io. Ataova mifan̈araka amy raha ilainolo aby mitandren̈y anao raha hikoran̈inao. Tokony hazava amindro tsarabe fa mahakasiky iro tsiaraikiaraiky izio.

Anao koa fa man̈oman̈a kabaro, diniha hely ty: ‘Ino aby raha iaretany rahalahy ndreky ranabavy amy fiangonan̈a misy anao?’ Ataova mifan̈araka amy raha ilaindro amy zay fampidiran̈anao.