FIANARAN̈A 10

Ivoavoa Feonao

Ohabolana 8:4, 7

RAHA MILA ATAO: Ivoavoa habosany feonao ndreky halakisan̈anany, baka hazava tsarabe lan̈iany hevitry koran̈inao sady hanohin̈y fô.

Ivoavoa habosany. Mivolàn̈a marere izikoa fa mankamafy hevitry maventy na habezany raha araiky na halaviran̈anany, na koa izikoa efa mampirisiky olo han̈araka raha koran̈inao, na izikoa fa mamaky didipitsaran̈a amy Baiboly. Mivolàn̈a mora ndraiky izikoa fa mivolan̈a raha mampavozo na mampalahelo, na alohany hivolan̈ana raha mahalian̈a.

Aza ampanongain̈y matetiky loatra feonao, tsao mahavy olo hieritreritry fa anao masiaka. Aza ampanongain̈y an̈abo loatra na ajotso ambany loatra koa izio, tsao loso mifantoko aminao ndraiky olo fa tsy amy raha volan̈inao.
Ivoavoa halakisan̈anany. Mivolàn̈a malakilaky izikoa efa mikoran̈a raha mamparavoravo. Mivolàn̈a miadan̈a ndraiky izikoa efa mivolan̈a hevitry ten̈a maventy.

Aza mivolan̈a malaky be tampoko, tsao manaitry olo. Aza mivolan̈a malaky loatra koa, tsao tsy ho azonolo raha volan̈inao.