FIANARAN̈A 7

Raha Marin̈y Fo Ampianarin̈y

Lioka 1:3

RAHA MILA ATAO: Tokony hampiasa fan̈azavan̈a marin̈y tsarabe anao, baka tsy ho diso raha ampianarinao.

Mitadiava porofo marin̈y tsarabe. Ataova miorin̈y amy Volan̈a Zan̈ahary fan̈azavan̈anao, ke vakia baka ao izio koa mety. Anao koa tihikoran̈a lahatsoratra naboakany pahay siansy aby io, na tatitry baka tamy vaovao, na tantaranolo, na fan̈azavan̈a hafa, ataova azo antoko tsarabe fa mbala marin̈y fo fan̈azavan̈a io.
Tandrema tsao diso fan̈azavan̈anao. Iritrireta tsarabe ino ten̈a hevitry andininy handeha hazavainao io, izikoa zahan̈a volan̈a man̈odidin̈y ndreky raha volan̈iny Baiboly jiaby, baka io raha nikoran̈iny “panompo atokisan̈a ndreky mahadiniky raha.” (Mat. 24:45) Izikoa hampiasa fan̈azavan̈a naboakanolo hafa anao, aza ivoan̈a izio fa raha ten̈a voakoran̈a ao volàn̈a.

Koa misy volan̈a na isandraha, aza ovoan̈a na ampitombosin̈y. Ohatra, tsy mira dikany “olo sasany” ndreky “ankamarozanolo”, na “ndraikindraiky” ndreky “matetiky”, na koa “mety ho” ndreky “donko.”
Hazavà tsarabe lan̈iany porofo ampiasainao. Ataova azonolo tsarabe izio, na andininteny izio na fan̈azavan̈a hafa. Ohatra, man̈apitraha fan̈ontanian̈a mety tsarabe, na man̈anova fan̈oharan̈a.