Mifen̈a Hanohin̈y Fô

Ohabolana 3:1

RAHA MILA ATAO: Ampia olo ho tia raha ianarany, ndreky han̈araka raha zen̈y.

AKORY HAN̈ANAOVAN̈A IZIO?

• Ampia izy handiniky ten̈a. Man̈apitraha fanon̈ontanian̈a handrisiky olo handiniky, asa ten̈a tiany raha ianarany sady ten̈a inoany.

• Ampisaintsain̈a izy baka han̈ano raha baka amy fô. Iraha mandiniky izy, ino antony mahavy izy man̈araka volan̈a Jehovah. Ten̈a tia Jehovah ndreky tia olo ma izy? Asa hitany fa ten̈a tsara raha ianarany amy Baiboly ao? Kanefa aza masiaka aminany na manakaratsy izy. Fa hankahireza izy, zen̈y hahavy izy hahay han̈araka volan̈a Jehovah fo, ke ho ten̈a vokatra fonany raha zen̈y.

• Koràn̈a raha momba Jehovah. Aboaha toetriny Jehovah izikoa anao efa man̈azava toro lalan̈a na lalàn̈a na raha ampianariny Baiboly. Koràn̈a, ohatra, fa tia atsika izy matoa nan̈amia izio. Ampia koa olo angala onon̈o fa misy vokany amy Jehovah zay raha ataony.