FIANARAN̈A 17

Ataova Tsotra Ndreky Mora Azo Fan̈azavan̈anao

1 Korintianina 14:9

RAHA MILA ATAO: Ataova azonolo tsarabe raha ten̈a tianao hambara.

Ataova mazava aminao tsarabe fotokevitry hikoran̈inao io. Izikoa mazava aminao tsarabe izio, ho haino han̈azava izy amy fomba tsotra ndreky amy fivolan̈ananao.
Aza mampiasa fehezanteny sarotro na lava be. Koa mbala mety, mifen̈a hampiasa fehezanteny tsotra ndreky fohiky izikoa han̈azava hevitry maventy.

Aza mivolan̈a hevitry tsy ilain̈y na hevitry man̈ary jery. Hanjary maro loatra raha ampidirinao amy sain̈inolo, ke tsy ho hainy eky raha ten̈a tianao hambara.
Hazavà lan̈iany volan̈a sarotro. Aza mampiasa volan̈a tsy hainolo, koa mbala mety. Izikoa tsy maintsy mampiasa volan̈a sarotro anao, hazavà izio. Ohatra, raha fandrifesan̈a taloha, na fombanolo taloha, na an̈aran̈a amy Baiboly ao.