FIANARAN̈A 18

Koràn̈a Raha Mahalian̈a Ndreky Mahatsara

1 Korintianina 9:19-23

RAHA MILA ATAO: Mivolàn̈a hevitry manaitry sain̈inolo, ho ravoravo edy iro fotony nahay raha mahalian̈a sady mahatsara.

Diniha ino raha efa haindro. Izikoa fotokevitry efa hainy hikoran̈inao io, mivolan̈a raha vaovao momba izio, fa tsy raha efa hainy fo ampodinao.

Anao mety mikoran̈a raha efa hainy, fa aza andanian̈a fotoan̈a maro. Hevitry vaovao mbala tsy hainy io ten̈a koran̈a.
Mitadiava raha mahalian̈a hikoran̈iny. Mety atao ohatra, mikoran̈a vaovao farany na raha patetiky ren̈inolo, izikoa han̈azava hevitry maventy. Kanefa diniha tsarabe izio, tsao fo tsisy infandraisany amy hevitry hikoran̈inao io foeky.

Iritrireta ty: ‘Nan̈ino raha ty ilain̈y? Karakory han̈azavako izy ty? Taia raha ty nandalo?’ Na man̈apitraha fan̈ontanian̈a hafa. Han̈ampy anao handiniky tsarabe raha zen̈y. Azonao ampiasain̈a koa fan̈ontanian̈a aby io izikoa anao efa man̈ano kabaro, hahalian̈a olo edy kabaro ataonao io.
Aboaha fa hevitry koran̈inao io mahatsara. Koràn̈a raha fataonolo, na toetsain̈y anan̈andro, na raha iain̈andro, ke hazavà fa misy torohevitry momba izio amy Baiboly ao.