Olo Karakory ma Jesosy?

Arakaraka hahaizantsika raha nivolan̈iny Jesosy ndreky raha nataony tambony tany teto, hahaizantsika toetrinany, ke hanjary tihinaman̈a aminany ndreky amy Jehovah atsika. Ino aby ma toetry maro tsaranany zen̈y? Avio karakory mety hangalantsika tahaka izy amy fiainan̈antsika?

1. Ino ma raha itovizany Jesosy amy Babany io?

Maro raha nianarany Jesosy tamy Jehovah tan̈atiny taon̈o taon̈o taminizy tandan̈itry tan̈y. Hitany fa Babany io ten̈a be fitiavan̈a. Zen̈y koa nahavy eritreritrinany, raha tiany, ndreky raha nataony tsisy nihafa tamy niny Jehovah. (Vakia Jaona 5:19.) Zen̈y nahavy Jesosy nivolan̈a: “Lan̈iany olo nahita zaho nahita Baba koa.” (Jaona 14:9) Hitombo fahaizanao Jehovah, arakaraka hahaizanao toetriny Jesosy. Ohatra zioty, fahaizanao fa Jesosy nahinakinaka olo, mahavy anao man̈eky fa Jehovah io ten̈a mahinakinaka anao koa.

2. Akory nan̈aboahany Jesosy fa izy tia Jehovah?

Ho Jesosy: “Raha nan̈irahany Babako zaho fo ataoko, baka donia ty mahay fa tiako Babako io.” (Jaona 14:31) Tamy Jesosy tambony tany teto, naboakany fa izy ten̈a tia Babany io, ke nan̈araka volan̈anany fo izy, ndray tsy nora taminany nan̈ano zen̈y. Fitiavany Jehovah koa nahavy izy nazoto nikoran̈a taminolo raha momba Jehovah, ndreky nan̈ampy olo hinaman̈a amy Jehovah.​—Jaona 14:23.

3. Akory nan̈aboahany Jesosy fa izy tia olo?

Baiboly mivolan̈a fa ‘tiany Jesosy raha jiaby momba zanakolombelon̈o.’ (Ohabolana 8:31) Naboakany raha zen̈y taminizy nankahery olo ndreky izy tsy tia ten̈a nan̈ampy iro. Fahagagan̈a nataony Jesosy nahitan̈a fa izy manan̈a angovo sady izy koa ten̈a nahinakinaka olo. (Marka 1:40-42) Izy tsara fan̈ahy ndreky tsy nan̈avakavaka olo. Volan̈anany nankahery olo tsara fô nitandren̈y izy ndreky nan̈amia fan̈antinan̈a iro. Von̈ono hijaly ndreky hofoaty izy, fotony izy tia olo jiaby. Ndray izy man̈ano zen̈y ndraiky, olo man̈araka raha nampianariny fo ten̈a tiany.​—Vakia Jaona 15:13, 14.

ALEVA ONON̈O

4. Jesosy tia Babany

Ohatrany Jesosy mampianatra atsika akory han̈aboahantsika fitiavantsika Zan̈ahary. Vakia Lioka 6:12 ndreky Jaona 15:10; 17:26. Koa fa voavaky andininy aby io, iaraha dinihin̈y fan̈ontanian̈a ty:

• Akory hangalantsika tahaka Jesosy amy fan̈aboahan̈a fitiavan̈a Jehovah?

6. Jesosy tsy matity

Jesosy ndray tsy pan̈arivo, izy tsy natity, ke izy nandrisiky atsika tsy hatity koa. Vakia Asan’ny Apostoly 20:35, avio iaraha dinihin̈y fan̈ontanian̈a ty:

• Araka koran̈any Jesosy io, ino raha ten̈a mampasambatra atsika?

Alifasa VIDEO io, avio iaraha dinihin̈y fan̈ontanian̈a ambany io.

VIDEO: “Man̈amia Raha Olo Ten̈a Mampasambatra”​—Tapany (4:00)

• Izikoa atsika tsy manandraha, akory aby mety an̈aboahantsika fa atsika tsy matity?

Asa mba hainao?

Baiboly mampianatra fa atsika tokony hivavaka amy Jehovah aminy alalany Jesosy. (Vakia Jaona 16:23, 24.) Izikoa karaha zen̈y ataontsika izikoa fa mivavaka, zen̈y man̈ambara fa atsika mankasitraka Jesosy nan̈ampy atsika hanjary kamaradiny Jehovah.

INO RAHA NIANARANAO TATO?

Jesosy tia Jehovah ndreky tia olo. Hahay raha maro momba Jehovah anao izikoa mahay Jesosy, fotony toetrindro roeny Babany mitovy fo.

Fan̈ontanian̈a Fameren̈ana

• Akory han̈aboahantsika fa atsika tia Jehovah, karaha nataony Jesosy in̈y?

• Akory han̈aboahantsika fa atsika tia olo, karaha nataony Jesosy in̈y?

• Ino toetriny Jesosy ten̈a tianao?

ZAHAVA

Ianara sasany amy toetriny Jesosy, ke mety halaintsika tahaka.

“Anao koa Tihangala Tahaka Jesosy, Mifen̈a Baka ...” (Jesosy io Lalan̈a, Fahamarin̈ana Avio Fiain̈ana, pazy 317)

Diniha nan̈ino atsika mila mivavaka aminy alalany Jesosy.

“Nan̈ino ma Vavaka io Tokony Hatao Aminy An̈arany Jesosy?” (Tilikambo Fiambesan̈a 1 Fevrie 2008)

Baiboly ma tsy mikoran̈a momba sorany Jesosy foeky?

“Karakory ma Sorany Jesosy?” (Lahatsoratra aminy Internet)

Ino raha ianarantsika baka amy fitondrasany Jesosy man̈angy?

“Zan̈ahary Man̈aja Man̈angy” (Tilikambo Fiambesan̈a 1 Septambra 2012)