Efa Von̈ono Hatao Batisa ma Anao?

Tamy fianaranao Baiboly, efa maro raha nianaranao momba Jehovah. Mety efa mifen̈y koa anao man̈araka izio, ke mety efa maro fan̈ovoan̈a nataonao. Kanefa mety misy raha koa hisakana anao hanokanten̈a amy Jehovah ndreky hatao batisa. Leson ty hikoran̈a iro raha aby mety hanakana anao hatao batisa ndreky akory fomba handrisianao zen̈y.

1. Ino raha mila hainao alohany anao atao batisa?

Izikoa tianao atao batisa, anao mila manan̈a ‘fahaizan̈a tsarabe ny marin̈y.’ (1 Timoty 2:4) Kanefa zen̈y tsy midika fa anao mila mahay mamaly fan̈ontanian̈a jiaby momba Baiboly zay vo azo atao batisa. Ndray iro Kristian̈in̈y efa ela nan̈anovan̈a batisa aby io, mbala mila mianatra fo koa. (Kolosianina 1:9, 10) Kanefa ndray zen̈y, mila hainao iro fampianaran̈a fototro amy Baiboly ao. Izikoa anao tsy matoky amy fahaizanao iro io, antipan̈ahy aby io afaka man̈ampy anao.

2. Ino aby raha mila ataonao alohany batisa?

Alohany an̈anovan̈a batisa anao, anao tsy maintsy “mibebaka ... ndreky mimpody.” (Vakia Asan’ny Apostoly 3: 19.) Dikanizen̈y anao mila manen̈iny amy raha ratsy nataonao taloha salakady mangataka Jehovah han̈ambela hadisovan̈anao. Anao koa tsy mila man̈eky fitondranten̈a ratsy, baka io mila tapakevitry hanan̈a fiain̈ana mamparavoravo Zan̈ahary. Fan̈ampinizen̈y koa, anao mila man̈aton̈o fivorian̈a jiaby ataony Vavolombelon̈o Jehovah ndreky hanjary pitory tsy vita batisa.

3. Nan̈ino tsy tokony hambelanao hanakana anao fahavozoan̈a?

Olo sasany mavozo tsao tsy hahavita han̈atanteraka vava nataony tamy Jehovah. Marin̈y fa ndraikindraiky anao mety ho tafan̈ano raha tsy mety, karaha iro lelahy ndreky man̈angy tsy nivadiky tamy Jehovah, koran̈iny Baiboly ao. Kanefa Jehovah tsy mitaky fahalavorarian̈a amy panomponany. (Vakia Salamo 103:13, 14.) Ke ho ravoravo fo izy, izikoa anao man̈ano erakany farany tsara vitanao! Izy han̈ampy anao. Sady Jehovah lastio man̈amia toky atsika fa tsisy raha “hahasaraka atsika amy fitiavany Zan̈ahary.”​—Vakia Romanina 8:38, 39.

ALEVA ONON̈O

4. Mila mahay Jehovah anao

Nan̈ino ma anao mila mahay Jehovah alohany han̈anovan̈a batisa anao? Anao mila mahay izy, baka anao ho tia izy ndreky han̈ano raha mamparavoravo izy. Alifasa VIDEO io, baka hahitanao fomba nan̈anovany pianatra Baiboly erantany raha zen̈y. Avio iaraha dinihin̈y fan̈ontanian̈a ambany io.

VIDEO: Ezaka Nataoko Talohany Batisanaka (3:56)

• Ino raha nan̈ampy iro olo aby tamy video tio in̈y hioman̈ana amy batisa?

Vakia Romanina 12:2, avio hiaraha dinihin̈y fan̈ontanian̈a aby ty:

• Misy mampisalasala anao ma fampianarany Baiboly sa anao misalasala tsao tsy marin̈y raha ampianariny Vavolombelon̈o Jehovah?

• Izikoa zen̈y, ino raha tokony ataonao?

5. Azo atao mandresy raha mety hanakana anao hatao batisa

Atsika koa fa nifidy hanokanten̈a amy Jehovah ndreky atao batisa, atsika tsy maintsy miatriky raha sarotro. Ty misy ohatra araiky, alifasa VIDEO io, avio hiaraha dinihin̈y fan̈ontanian̈a aby ty.

VIDEO: Fitiavan̈a Jehovah io Mandresy Sakana Jiaby (5:22)

• Tamy video in̈y, ino raha nisakana Narangerel hanompo Jehovah ke tsy maintsy niriseny?

• Nan̈ino fitiavany Jehovah nan̈ampy izy nandresy sakana aby io?

Vakia Ohabolana 29:25 ndreky 2 Timoty 1:7, avio iaraha dinihin̈y fan̈ontaniana ty:

• Akory azahoantsika korazy handrisian̈a raha mety hanakana atsika tsy hatao batisa?

6. Matokia fan̈ampiany Jehovah

Jehovah han̈ampy anao han̈ano raha mamparavoravo izy. Alifasa VIDEO io, avio iaraha dinihin̈y fan̈ontanian̈a aby ty.

VIDEO: Jehovah Zan̈ahary Han̈ampy Anao (2:50)

• Tamy video in̈y, ino raha nisakana pianatra Baiboly in̈y tsy han̈ano batisa?

• Ino raha nianarany ke nan̈ampy izy hatoky tsarabe Jehovah?

Vakia Isaia 41:10, 13, avio iaraha dinihin̈y fan̈ontanian̈a ty:

• Nan̈ino anao afaka matoky fa ho vitanao han̈atanteraka vava nataonao taminy anao nanokanten̈a?

7. Ampitombosa fankasitrahanao fitiavany Jehovah

Anao koa mieritreritry matetiky momba fitiavany Jehovah anao, hampitombo fankasitrahanao izy zen̈y ndreky hahavy anao han̈iry hanompo izy mandrakizay. Vakia Salamo 40:5, avio iaraha dinihin̈y fan̈ontanian̈a ty:

• Ino aminy hatsaran̈a namezany Jehovah anao ten̈a ankasitrahanao?

Paminan̈y Jeremia ten̈a tia Jehovah ndreky volan̈a Jehovah, avio ten̈a nankasitrahany koa tombontsoa mitondra an̈arany Jehovah. Izy nivolan̈a: “Mamparavoravo zaho volan̈anao salakady mamparavoravo fonaka, fotony zaho mitondra an̈aranao, Jehovah Zan̈ahary!” (Jeremia 15:16) Valia fan̈ontanian̈a aby ty:

• Nan̈ino ma ten̈a tombontsoa an̈isany Vavolombelon̈ony Jehovah zen̈y?

• Asa anao mba tihanjary Vavolombelon̈o Jehovah vita batisa?

• Mbala misy raha ma an̈y, manakana anao tsy han̈ano zen̈y?

• Ino raha mbala mila ataonao baka ho takanao tanjon̈onao hatao batisa?

INO RAHA NIANARANAO TATO?

Nohony fan̈ampiany Jehovah, anao afaka mandresy raha manakana anao tsy atao batisa.

Fan̈ontanian̈a Fameren̈ana

• Anao ma mila mahay raha jiaby amy Baiboly ao zay vo mety atao batisa?

• Ino aby fan̈ovoan̈a mety mila hataonao alohany han̈anovan̈a batisa anao?

• Nan̈ino tsy tokony hambelanao hanakana anao fahavozoan̈a?

ZAHAVA

Diniha ino raha tokony handrisiky anao ho tapakevitry hatao batisa.

“Efa Von̈ono Hatao Batisa ma Anao?” (Tilikambo Fiambesan̈a Marsy 2020)

Diniha akory hatao mandresy raha mety hanakana anao han̈ano batisa.

“Ino ma Misakana Zaho Tsy Hatao Batisa?” (Tilikambo Fiambesan̈a Marsy 2019)

Zahava akory nataony lelahy araiky nandresy raha maventy tsy hahavitany batisanany.

‘Ino Raha Iambesanao Tsy Han̈anovanao Batisa?’ (1:10)

Misy lelahy araiky, Ataa an̈arany, nisalasala han̈ano batisa. Zahava ino raha naharesy lahatra izy, ke nahavy izy nan̈ano dingana maventy io.

Mba Mendriky Zen̈y ma Zaho? (7:21)