Man̈anova ny Marin̈y amy Raha Jiaby

Olo jiaby tia kamarady man̈ano ny marin̈y. Jehovah koa man̈anten̈a kamaradinany han̈ano ny marin̈y. Tsy mora man̈ano zen̈y, fotony maro olo amy donia ty tsy man̈ano ny marin̈y. Ino aby mahatsara atsika man̈ano ny marin̈y amy raha jiaby?

1. Ino antony ten̈a maventy mahavy atsika man̈ano ny marin̈y?

Atsika koa man̈ano ny marin̈y amy namantsika, haboakantsika amy zen̈y fa atsika tia Jehovah ndreky man̈aja izy. Diniha baka: Jehovah mahay zay raha iritriretintsika ndreky ataontsika. (Hebreo 4:13) Hitany atsika koa mifidy han̈ano ny marin̈y, ke izy ho ravoravo. Karaha ty ho Baiboly: “Mampangaroharo Jehovah olo fetsifetsy, fa olo man̈ano raha mahitsy fo ho tsara fihavan̈ana aminany.”​—Ohabolana 3:32.

2. Akory han̈anovan̈a ny marin̈y amy fiain̈ana andavanandra?

Tiany Jehovah atsika “hivolan̈a ny marin̈y amy namantsika.” (Zakaria 8:16, 17) Ino ma dikanizen̈y? Atsika koa fa mikoran̈a aminy havantsika, rahalahy ndreky ranabavy aby io, piaramiasa amintsika na amy manampahifan̈a, atsika tsy tokony havandy ndreky tsy tokony han̈amia fan̈azavan̈a tsy marin̈y. Olo man̈ano ny marin̈y zen̈y tsy mangalatra ndreky tsy mikatramo. (Vakia Ohabolana 24:28 ndreky Efesianina 4:28.) Iro man̈efa latety jiaby tokony hifaindro. (Romanina 13:5-7) Koa atsika man̈ano zen̈y amy raha aby io ndreky amy raha hafa koa, atsika ‘man̈ano ny marin̈y amy raha jiaby.’​—Hebreo 13:18.

3. Ino aby mahatsara atsika man̈ano ny marin̈y?

Atokisanolo atsika koa malaza man̈ano ny marin̈y. Hifampatoky mira olo pihavan̈a koa atsika amy fiangonan̈a. Ravoravo atsika fotony madio eritreritry. Fan̈anovantsika ny marin̈y io koa “mandravaka fampianaran̈any Zan̈ahary Pamonjy atsika io” ke mahavy olo tihianatra momba Jehovah.​—Titosy 2:10.

ALEVA ONON̈O

4. Fan̈anovan̈a ny marin̈y io mamparavoravo Jehovah

Vakia Salamo 44:21 ndreky Malakia 3:16, avio iaraha dinihin̈y fan̈ontanian̈a aby ty:

• Nan̈ino anao tsy tokony hino fa mety asitriky fo ny marin̈y io?

• Fahitanao izy, han̈ano karakory Jehovah atsika koa mifidy hivolan̈a ny marin̈y, nata tsy mora amintsika man̈ano zen̈y?

5. Man̈anova ny marin̈y amy fotoan̈a jiaby

VIDEO: Ino ma Raha Ten̈a Mamparavoravo?​—Eritreritry Madio (2:32)

Vakia Hebreo 13:18, avio iaraha dinihin̈y akory hataontsika han̈ano ny marin̈y...

• lera miaraka amy fianakavian̈antsika?

• lera ampiasan̈a na a lekoly?

• na amy raha hafa koa?

6. Mahatsara atsika man̈ano ny marin̈y

Mety hanahiran̈a atsika man̈ano ny marin̈y. Fa izikoa atsika tsy rivan̈a, ho zatra fo atsika. Vakia Salamo 34:12-16, avio iaraha dinihin̈y fan̈ontanian̈a ty:

• Nan̈ino mankatsara fiain̈ananao fan̈anovan̈a ny marin̈y?

1. A. Mankafatatra vadian̈a fan̈anovan̈a ny marin̈y

2. B. Olo miasa koa man̈ano ny marin̈y atokisany sefonany

3. D. Atokisany manampahifan̈a olo koa malaza man̈ano ny marin̈y

INO RAHA NIANARANAO TATO?

Tiany Jehovah kamaradinany man̈ano ny marin̈y amy raha volan̈iny ndreky ataony.

Fan̈ontanian̈a Fameren̈ana

• Amy raha karakory aby atsika tokony han̈ano ny marin̈y?

• Nan̈ino tsy tsara atsika koa mieritreritry han̈asitriky ny marin̈y?

• Nan̈ino atsika mila man̈ano ny marin̈y amy fotoan̈a jiaby?

ZAHAVA

Akory mety hampianarany raimandreny zanakandro han̈ano ny marin̈y?

Aza Mavandy (1:44)

Ino mahatsara atsika mitana volan̈a efa nataontsika?

Tàna Volan̈anao, fa Jehovah Hitahy Anao Edy (9:09)

Zahava asa mbala mila man̈efa latety fo atsika nata izio ampiasaindro amy raha ratsy.

“Atsika ma Tsy Maintsy Man̈efa Latety?” (Tilikambo Fiambesan̈a 1 Septambra 2011)

Akory nataony lelahy tsy nan̈ano ny marin̈y ty niova olo atokisan̈a?

“Nianarako fa Jehovah Mamindra Fô Ndreky Mamela Heloko” (Tilikambo Fiambesan̈a 1 May 2015)