Zôo È Lɛɛ Naa-lai Su A Gbanaŋɔɔ Gɛ́ɛ Tɛɛi Mɛni-kpɔlu Su

Zôo è kɛ̀ Uzi lɔii su tãi Eezuɛ-ŋai díkɛ la luɛlaa su Ize. Tɔ̃yâ ma, Zôo fé kɛ́ ní a Eezuɛ-nuu, kɛ́lɛ, è kɛ̀ a Ziova nĩ̂a-mɛni kɛ-nuu. È kɛ̀ a tɔɔ-nuu, ŋɔkáayɔɔ su-ɓela díkɛ a dítámaa, gɛ́ ɓò a láa maa nuu ŋɔkólii su. È kɛ̀ a lia-woo ɓo-nuu lɛ́lɛɛ da mɛni ŋa-tee-nuu sã́a. A káa kpɔŋ maa tɛɛ gôlo-ɓelai pɔ́. Zôo è kɛ̀ a dɔɔi kpanaŋɔɔ naa-lai su.

Zôo è nɛ a tɔ̃yâ à gɛ́ɛ Ziova maa mɛni è kɛ̀ a gbanaŋɔɔ ma ŋɔkɛ́-ɣeniɛi su é tɛɛ sɛŋ kélee ma

1:8-11, 22; 2:2-5

• Sêtɔŋ è gáa à gɛ́ɛ Zôo è kɛ̀ a tɔ̃yâ nuu. Vé zia-too ni à gɛ́ɛ Zôo è kɛ̀ a woo-mɛni-nuu, kɛ́lɛ, è mò à gɛ́ɛ Zôo è kɛ̀ woo-mɛni kɛ́i sɛŋ mɛni ma

• Sêtɔŋ è mò à gɛ́ɛ Zôo è kɛ̀ Ziova fɛlii zãai è zɔlɔ ɓó ǹyêei mɛni ma

• À gɛ́ɛ Ziova é nɛ́ à gɛ́ɛ Sêtɔŋ káa a lɛ́ɛ-nuu, è nɛɛ naa Sêtɔŋ é pá a su-kɔɔ̂ŋ dɔ̃yâ nuui Zôo pɔ́. Sêtɔŋ è pa a mɛni-kpɔlu támaa Zôo pɔ́ ŋɔkɛ́-ɣeniɛi su

• Zôo kɛ́ɛ aâ kánaŋ Ziova nĩ̂a-mɛni Kɛ́ɛ mai, Sêtɔŋ è mò à gɛ́ɛ núu-kpune fé pâi Ziova fɛlii mɛni-kpɔlu a pa dípɔ

• Zôo fé sɔnyɔ̂ŋ kɛ́ ni kpaa é Ɣâla láa kara tãi è kɛ̀ tɛɛi la mɛni-kpɔlu su