KWAA KUKƐ-ƔENIƐI KƐ YƐƐ KORAI-ƁELA

I Kpɛtɛɛ Mɛni-kpɔlu Mɛni Ma?

Va kɛ a gulaa a kua mɛni-ŋai kɛi ŋeniɛi sui a gɛ kapa mɛni e kɛ a gbanaŋɔɔ kua. Le mɛni ma? Kpɛni fei kukaa naa ŋele-ŋai gbɛɛ-ŋa kpɛɛ-ŋa tãi su nyaŋ Ŋala-kɔlɔi e ku lia-woo ɓo a gɛɛ kukili-kɛ-zui fe kɛ “tɔɔ-sãa dia.” (1Te 6:17; 2Te 3:1) Le ɓe Galoŋ Zeosafa ŋɔmɛni-kɔɔŋ-maai a pɔri nɛi kua e pilaŋ berei ma kua pɔri kukpiŋ kpɛtɛi la mɛni-kpɔlu mɛni mai?

Tãi Zeosafa kpɔara-ɓela di tɔɔ la mai, e gili tɔɔ Ziova ma kpɔŋ maa mɛni ma. (2Kɔ 20:9-12) E ŋɔnɔ mɛni-kpɛtɛɛ kɛ naa tuɛ a daa-lee-ŋai maa kɔ̃ɔ da kɔ kɔ-ɓela ŋaa-tɛɛ gie ma. (2Kɔ 17:1, 2, 12, 13) Yɛɛ Zeosafa, maa nɛ̃ɛi ku kukili tɔɔ Ziova ma, ku kukpiŋ kpɛtɛ mɛni-kpɔlu mɛni ma.

LE ƁE KWA PƆRI GƐI A GƐƐ KU KUKPIŊ KPƐTƐ MƐNI-KPƆLU MƐNI MA?

Ilaoi-laai su kpanaŋ a Ziova: Ilii e kɛ a naa zãai iyeei mɛni ma, I ilaa-lai su kpanaŋ Ziova kponoi a gɛɛ a pai imɛi kaai a ɣele kelee. (Mf 6:26; 1Te 6:8) Ife wɔlɔ nɛɛ naa zãai ti maa kpaaŋ e gɛ I kpera tii kɛi a Ŋala-kɔlɔi ŋɔtɔ̃ya-ŋuŋ-ŋai. (Lo 2:21) Ikili-ŋa sia e pilaŋ berei ma ya pɔri kukɔlɔ-ŋai lonoi la a kɛ pere fe naa a gɛɛ I li ŋɔŋ kɔli fãai ŋa. Ku kɔlɔ-ŋai nyii ŋɔprint kɛɛi taŋa laai kɛ, nyaŋ pere a kɛ naa ya pɔri di dãaŋloo kɛi naa tuɛ.

Ikpiŋ kpɛtɛ a sãa taŋa laai kɛɛ: Kɔ a gɛɛ I igba-ŋai tee, nyaŋ ife sãa ya nyii maa kpaaŋ fe yai. (Ta 22:7) A kɛ pere kaa naa, ya pɔri mii-sãa da sãa takpɛni ŋa laai kɛi. Nua taŋa da sãa pɛlɛpɛlɛ si a gɛɛ di pɔri kapa laai kɛi.

VILOI I KPƐTƐƐ NAA MƐNI-KPƆLU MƐNI MA? SU KAA, GƐ NI KA MARE-KƐƐ-ŊAI ŊI SUKULA:

Mɛni-ŋai kɛ viloi “I Kpɛtɛɛ Naa Mɛni-kpɔlu Mɛni Ma?” sui. Votooi a Ɣala-kɔlɔ, bɛbɛ, toli-ɓo kɔli da pɛrɛ tɔɔ-nua lɛi.

Le ɓe ku kelee kwa pɔri gɛi a gɛɛ ku kukpiŋ kpɛtɛ mɛni kpɔlu-mɛni ma?

Your answer

Mɛni-ŋai kɛ viloi “I Kpɛtɛɛ Naa Mɛni-kpɔlu Mɛni Ma?” sui. Bɔlɔ-ŋai dikaa kpɔŋ tɛɛi a pɛrɛ tɔɔ, dikɛ sãa kula geleŋ su.

Kwa pɔri kukpiŋ kpɛtɛi leŋ a gɛɛ ku kpɔŋ maa tɛɛ nua pɔ?

Your answer