ZƐŊ-LƐƐI 11
Berei Ya Pɔri Mɛni Lɛlɛɛ Tamaa Sɔlɔ Ɓoi La Ŋala-kɔlɔi Lonoɔ Su
Ya taa wɔlɔ kɛ ŋwɛlii I tii kɛtɛ ta kɛ, kɛlɛ ikɛ gaa yɛɛ gɛi kpanaŋɔɔi? A gɛɛ gɛi fe kɛ a gbanaŋɔɔ, tãi ta I ŋaa-kɔlɛ a bɛlɛ-pɛlɛɛ. Bere nɔ ɓe Ŋala-kɔlɔi lonoɔ kaa la. Ya pɔri moi yɛɛi, ‘Ŋa pɔri gɔɔ pilani leŋ?’ Zɛŋ-lɛɛi ŋi su, kwa pai mɛni lɛlɛɛ taŋa maa-kɔrii nyii ya pɔri gɛi a gɛɛ I Ŋala-kɔlɔi lonoɔ da maa-kɔriɛ ŋaa-nɛ̃ɛ kula.
1. Le mɛni ɓe maa nɛ̃ɛi ku Ŋala-kɔlɔi lono la a ɣele kelee?
Nuui a Ŋala-kɔlɔi kpaa “Yawɛɛ ŋɔtɔŋ” maa-kɔri a ɣele kelee, lii a pai kɛi a nɛ̃ɛ. (Ŋule-wooi 1:1-3 lono.) A gɛɛ I gɔɔ pilaŋ, kɔ I Ŋala-kɔlɔi lono a tãi loŋ a ɣele kelee. Ya pɛlɛ Ŋala-kɔlɔi lonoi a tãi kelee, ya pai pɛlɛi nonoɔ ŋaa-nɛ̃ɛ kulai.
2. Le ɓe pai kpɔnii ya a gɛɛ I mɛni lɛlɛɛ sɔlɔ ɓo Ŋala-kɔlɔi lonoɔ su?
A gɛɛ ku mɛni lɛlɛɛ tamaa sɔlɔ ɓo Ŋala-kɔlɔi lonoɔ su, maa nɛ̃ɛi ku kpera a daloŋ ku kukili-ŋa sia e pilaŋ mɛnii kwa nonoi ma. Maa nɛ̃ɛi ku nono, ku ‘kukili-ŋa sia e pilaŋ ma.’ (Ŋule-wooi 119:97) Ya kɛ Ŋala-kɔlɔi lonoi, ye ikpiŋ mare-kɛ a mare-kɛɛ-ŋai ŋi: ‘Le ɓe mɛnii ŋi a nɛi ma e pilaŋ Ziova Ɣala ma? Ŋa pɔri tii kɛi leŋ a mɛnii ŋi ŋakɛ-ɣeniɛi su? Ŋa pɔri tii kɛi leŋ a ŋala-kɔlɔ kpua-ŋai ŋi a gɛɛ ŋa kpɔŋ maa tɛɛ nua pɔ?’
3. Ya pɔri tãi siɣei leŋ Ŋala-kɔlɔi lono mɛni ma?
A kɛ a gbanaŋɔɔ a gɛɛ I tãi siɣe Ŋala-kɔlɔi lono mɛni ma? Ku tamaa ɣele bere ɓe a kɛ la a kua. Kɔ ‘I tii kɛ a tãi gaa iyeei a gbanaŋɔɔ.’ (Ifisiɛŋ 5:16) Ya pɔri nyiŋi kɛi a kɛ ya tãi see Ŋala-kɔlɔi lono mɛni ma a folo kelee. Nua taŋa da tãi siɣe a ɣele-wala a gɛɛ di Ŋala-kɔlɔi lono. Di taŋa da tãi siɣe a volo-ŋa tãi, yɛɛ difii-tɔɔ tãi. Gɛ ni, nua taŋa da Ŋala-kɔlɔi lono a ɣele-wulii tãi di lɛɛ nyii. Mi tãi ɓe nɛlɛɛi imɛni ma?
MƐNI TAMAA MAA-KƆRI
Mɛni maa-kɔri e pilaŋ berei ma ya pɔri Iɣala-kɔlɔ lonoɔi ŋaa-nɛ̃ɛ kulai la. Berei kaa ya pɔri ikpiŋ kpɛtɛi la a nɛlɛɛ a gɛɛ I mɛni lɛlɛɛ sɔlɔ ɓo Iɣala-kɔlɔ lonoɔi su.
Yɛɛ berei nuu a pɔri kɔi la a gɛɛ e pɛlɛ mii-sɛŋ nina ta wɛliɛ ma e ŋaa-nɛ̃ɛ kulai, bere nɔ ɓe kwa pɔri pɛlɛi la Ŋala-kɔlɔi lonoɔ ŋaa-nɛ̃ɛ kulai.
4. Berei kaa ya pɔri Iɣala-kɔlɔ lonoɔi ŋaa-nɛ̃ɛ kulai la
Tãi ta, Ŋala-kɔlɔi lonoɔ kɔɔ pilani fa kɛ a mɛni loŋ. Kɛlɛ, kwa pɔri pɛlɛi ‘ŋwɛliɛ’ ma, yɛɛ berei nuu a pɔri kɔi la a gɛɛ e pɛlɛ mii-sɛŋ nina ta wɛliɛ ma. 1 Pitɛ 2:2 lono, gɛ ni ka lono e pilaŋ mare-kɛɛ-ŋi ma:
A kɛ ya Ŋala-kɔlɔi lono a ɣele kelee, I laai la a kpɔŋ ya a gɛɛ I ŋaa-nɛ̃ɛ kula?
VILOI su kaa, a gɛɛ I berei kaa nua taŋa di pɛlɛ Ŋala-kɔlɔi lonoɔ ŋaa-nɛ̃ɛ kulai la. Gɛ ni ka lono e pilaŋ mare-kɛɛ-ŋai ŋi dia.
Viloi su, mɛni kpanaŋ-ŋa kɛɛ leŋ ɓe nuu-tɔɔ-ŋai yee e tɛɛ mai?
Le ɓe kpɔŋ dia a gɛɛ di kanaŋ Ŋala-kɔlɔi lonoi a folo kelee?
Le ɓe di gɛ a gɛɛ di Diɣala-kɔlɔ lonoɔi ŋaa-nɛ̃ɛ kula?
Mɛni-ŋai da pɔri kpɔnii ya a gɛɛ I gɔɔ pilaŋ:
Ɣala-kɔlɔ siɣe nyii ŋaa kaai fe kpanani. Ya pɔri tii kɛi a New World Translation a kɛ gaa isii-wooi su kpaa sii-woo takpɛni su nyii ya ŋaa kaa a nɛlɛɛ.
Gɔɔ pilaŋ a Ŋala-kɔlɔi mela taŋa lonoɔ nyii ya ŋaa-nɛ̃ɛ kulai. A gɛɛ I gɛ pere kɔlɔŋ, ye basii “Ŋala-kɔlɔi Lonoɔ Kɔɔ Pilaŋ” kaa.
Ŋala-kɔlɔ kpua-ŋai yaa nonoi, pɔ̃yɛ. Tii kɛ a “Pɔɔ Kɛ Ŋala-kɔlɔ-kpua-ŋai Yaa Nonoi Dia” basii gɔlɔi ŋi su.
Tii kɛ a JW Library®. Naa ɓe ya pɔri Ŋala-kɔlɔi lonoi naa kpaa I iwoli tɔɔ nono-woo ma kwaa kelee ta ma itoli-ɓo kɔlii ma.
Tii kɛ a appendixes nyii gaa New World Translation su. Kwaa ma lɛ kɔlɔ-ŋa, basi-ŋa da woo-ŋa sukulai kaa zu nyii a gɛ I Iɣala-kɔlɔ lonoɔi ŋaa-nɛ̃ɛ kula.
5. Ikpiŋ kpɛtɛ Iɣala-kɔlɔ maa-kɔriɛ mɛni ma
Ŋule-wooi 119:34 lono, gɛ ni ka lono e pilaŋ mare-kɛɛ-ŋai ŋi dia:
Le mɛni ɓe nɛlɛɛi la a gɛɛ I Ɣala fɛli I lɛɛ pai Ŋala-kɔlɔi lonoi, kpaa I lɛɛ pai ikpiŋ kpɛtɛi Iɣala-kɔlɔ maa-kɔriɛ mɛni ma?
Ya pɔri mɛni lɛlɛɛ sɔlɔ ɓoi leŋ Iɣala-kɔlɔ maa-kɔriɛ kelee su? Ya kɛ ikpiŋ kpɛtɛi Iɣala-kɔlɔ maa-kɔriɛ mɛni ma gɔlɔi ŋi su, kɔ a gɛɛ I tii kɛ a mɛni-ŋuŋ-ŋai ŋi:
Ŋoo-ɣɛli kpulu-ŋai lono nyii gaa zɛŋ-lɛɛi kɔɔ pilanii.
Ŋala-kɔlɔ kpua-ŋai lono, gɛ ni I kɔ a gɛɛ I berei kaa di pilaŋɔɔi la mɛni-ŋuŋ mai.
Mare-kɛɛi sukula woo-ŋai kelee mu laa, nyiŋi a pai kpɔnii ya a gɛɛ ka Iɣala-kɔlɔ lɛ nuui ka lono e pilaŋ zɛŋ-lɛɛi ma.
I mɛnii kɔlɔŋ?
Ziova Ŋɔsere-faa Kɛ-ɓelai daa tii kɛ a Ɣala-kɔlɔ takpɛni-ŋa. Kɛlɛ, New World Translation of the Holy Scriptures wɛli kpɔɔi kaa kua kpɛni fɛi, gaa a tɔ̃ya, zu ponoɔ, nyaŋ Ɣala laa kaa zu.—Zɛŋ-lɛɛi ŋi kaa nyii gaa jw.org fãai ŋai “Ziova Ŋɔsere-faa Kɛ-ɓelai Dikpɔɔi Ɣala-kɔlɔ Kaa Diyeei?”
NUA TAŊA DA MO DIYƐƐI: “Ŋala-kɔlɔi lonoɔ da maa-kɔriɛ kaa a tii kpanaŋ. Tãi fe nyeei, nyaŋ mvii a kɛ kpɛɛi.”
Ikili-ŋa-siai ɓa le?
MƐNI-ŊUŊ-ŊAI YAA MAA-KƆRII
A gɛɛ I Ŋala-kɔlɔi lonoɔ ŋaa-nɛ̃ɛ kula, tãi see a gɛɛ I nono, I Ɣala fɛli a gɛɛ I mɛnii ya nonoi ŋa-kaa ma, nyaŋ ikpiŋ kpɛtɛ Iɣala-kɔlɔ maa-kɔriɛ mɛni ma.
Gili-too-ŋa mare-kɛɛ-ŋai
Le ɓe pai kpɔnii ya a gɛɛ I mɛni lɛlɛɛ tamaa sɔlɔ ɓo Iɣala-kɔlɔ lonoɔi su?
Mi tãi ɓe ya pɔri ziɣei a gɛɛ I Ŋala-kɔlɔi lono, I maa-kɔri?
Le mɛni ɓe nɛlɛɛi la a gɛɛ I ikpiŋ kpɛtɛ Iɣala-kɔlɔ maa-kɔriɛ mɛni ma?
MƐNI TAKPƐNI-ŊA MAA-KƆRI
Mɛni-ŋuŋ taŋa kaa nyii a kpɔŋ ya a gɛɛ I mɛni lɛlɛɛ sɔlɔ ɓo Iɣala-kɔlɔ lonoɔi su.
“Berei Ya Pɔri Mɛni Lɛlɛɛ Tamaa Sɔlɔ Ɓoi La Ŋala-kɔlɔi Lonoɔ Su” (Nyeŋkeŋ No. 1 2017)
Pere sii saaɓa maa-kɔri Ŋala-kɔlɔi lonoɔ mɛni ma.
Berei kaa ya pɔri Ŋala-kɔlɔi lonoɔ ŋaa-nɛɛ kulai lai.
Mɛni taŋa maa-kɔri nua yeei nyii-ŋai daa Ŋala-kɔlɔi lono a koraŋ tamaa.
Berei Ya Pɔri Ŋala-kɔlɔi Maa-kɔrii La A Nɛlɛɛ Ikpɔɔ Yee Ma (2:06)