M̀ɛni-ŋai Bible Teach Kɔlɔi Sui Ŋá-lɛ́ Nûa Dîa A Ǹɛ́lɛɛ

Ŋâla-kɔlɔi maa-kɔ́ri-nuui a mɛni-ŋai Ŋâla-kɔlɔi à nɛ̂i ŋá káa ma é dûa kɛ́, a pâi kpɔŋ maa tɛɛi bɔ à gɛ́ɛ é ɓɔlɔ dɔ̃yâi su. (Ŋule-wooi 1:1-3) Kwa pɔri kpɔŋ maa tɛɛi gɔlɔ-maa-kɔ́ri-nuui pɔ́ à gɛ́ɛ é màa-tɛ dɔ̃yâi su à kɛ̀ kwa m̀ɛni-ŋai Bible Teach kɔlɔi sui ŋá-lɛ́ ma a ǹɛ́lɛɛ.

M̀arê-Kɛɛ-Ŋai Gɔ́ɔ Pîlanii: Marê-kɛɛ-ŋai káa gɔlɔ-ŋuŋ-ŋai kɔ́ɔ pîlanii nyii zukulai káa zɛŋ-lɛɛ-ŋai su. Ya pɔri m̀arê-kɛɛ-ŋai ŋí kɛ́i à gɛ́ɛ gɔlɔ-maa-kɔ́ri-nuui é gili-ŋa sia é pîlaŋ mɛni-ŋai ká pâi kɛ́i màa-kɔ̂rii dîa. Kpaa ya pɔri môi ma é lono é pîlaŋ m̀arê-kɛɛ-ŋai dîa a gbua. À kɛ̀ a mɛni ta ɓo nyii vé pere ma, ífe mò ma ŋâma à gɛ́ɛ aâ pɔara-mɛni-ma kɛ. M̀ɛni-ŋai é mòi a pâi kpɔŋ maa tɛɛi ípɔ I mɛni-ŋai kɔ́lɔŋ ya pɔri tãi siɣe I zukula mì a nɛ́lɛɛ.​—Táre-woo-ŋa 16:23; 18:13.

M̀ɛni-ŋuŋ-ŋai Gɔlɔi kpɛɛ ŋá: Gɔlɔ-maa-kɔ́ri-nuui a m̀ɛni-ŋai zɛŋ-lɛɛi sui ŋá káa ma, é faa ma à gɛ́ɛ díkaa a tɔ̃yâ, ya pɔri môi ma à gɛ́ɛ é m̀ɛni-ŋuŋ gɔlɔi kpɛɛ ŋái nyii bîlaŋɔi zɛŋ-lɛɛi tí mai lóno gbɔɔ yêe ma. Kakɛ gɔlɔi maa-kɔ̂rii a tãi takpɛ́ni, ya pɔri tãi kpua siɣei I m̀arê kɛ́ I gáa à kɛ̀ é m̀ɛni-ŋai è nónoi, ŋá káa ma. Kɛ́lɛ, ya gɔ́lɔŋ à gɛ́ɛ maa nɛ̂̃ɛi I kpɔŋ maa tɛɛ bɔ, ya pɔri tãi siɣei ka ǹyaa ka m̀ɛni-ŋuŋ gɔlɔi kpɛɛ ŋái maa-kɔ́ri gîe ma, ka kɛ́ ŋ̀óo-ɣɛli-kpulu-ŋai lóno I kɛ́ m̀arê kɛ́ a m̀arê-kɛɛ-ŋai I gbɛtɛ íkili ŋai.

Gili-too-ŋá Basí: M̀arê-kɛɛ-ŋai gɔlɔ-ŋuŋ kɔ́ɔ pîlanii sukulai káa gili-too-ŋá basí gɔlɔ-ŋuŋ kpɛɛ ŋái su. Ya pɔri tíi kɛ́i a m̀ɛni ŋí I gáa à kɛ̀ gɔlɔ-maa-kɔ́ri-nuui è M̀ɛni-ŋuŋ-ŋai zɛŋ-lɛɛi sui ŋá káa ma a ǹɛ́lɛɛ, gɛ̀ pɔri ŋá-lɛ́i núu ta ma. Ka m̀ɛni-ŋai basí sui da Ŋâla-kɔlɔ kpua-kpua-ŋai lóno gîe ma a zuponoɔ. Gɛ̀ ní, mo gɔlɔ-maa-kɔ́ri-nuui ma é m̀ɛnii sukula ya nyii zɛŋ aâ màa-kɔ̂rii kɛ́ a tɔ̃yâ.​—Dikɛ-mɛni-ŋai 17:2, 3.