KWAA KUKƐ-ƔENIƐI KƐ YƐƐ KORAI-ƁELA
Ikili Tɔɔ Ziova Ma Nua Da kɛ Tua Nyɔmɔɔ Kɛi A Ya
Nua da kɛ tua nyɔmɔɔ kɛi a kua a pa kupɔ a lii-too-polu da mɛni-soli. Da pɔri kpiŋ gɛi ku kulaoi-laai a Ziova su kara a kɛ mɛni-ŋai da moi e pilaŋ kuɣala fɛli-perei mai a ku yao. Ya pɔri ikpiŋ maa kɔ̃ɔi leŋ nua da kɛ tua nyɔmɔɔ kɛi a ya?
Ziova fɛli-ɓela tamaa yee aa tɛɛ mɛni ŋi ma a dikili tɔɔ Ziova ma. (Ŋu 18:17) Gɔɔŋ-maa ɓa, Ɛtɛ e lono e pilaŋ ŋwana-lɔɔ naloŋ Emaŋ ŋɔmɛni-kpɛtɛɛ nyɔmɔɔi ma. (Ɛt 7:1-6) Ɛtɛ e lɛɛ pai gɛi ti e gili tɔɔ Ziova ma a suŋ siɣeɛ. (Ɛt 4:14-16) Ziova e luwa laa ma, e nyaa da ŋɔnuai ŋuŋ maa ɓo.
Yɛɛ Ɛtɛ, nua da tua nyɔmɔɔ kɛ a ya, Ziova fɛli kpɔŋ maa mɛni ma, I mɛnii ŋi ɓo korai-nuu tɔɔi kpanaŋɔɔ ta ma yɛɛ ikaa-ɓela. Ya pɔri kɛi a ilaa la a gɛɛ Ziova a pai kpɔnii ya yɛɛ berei nɔ e gɛ la a Ɛtɛ. Le takpɛni ɓe ya pɔri gɛi a gɛɛ I tɔɔ a gbanaŋɔɔ nua da tua nyɔmɔɔ kɛ a ya?
VILOI ŊAKƐ-ƔENIƐI A ŊANUU-TƆƆ TÃI—ŊA PƆRI TƆƆI LEŊ A GBANAŊƆƆ NUA DAKƐ TUA NYƆMƆƆ KƐI A NYAA? SU KAA GƐ NI KA MARE-KƐƐ-ŊAI ŊI SU KULA:
Le ɓe nuu-tɔɔ-ŋa da pɔri maa-kɔrii Charlie da Ferin di mɛni-kɔɔŋ-maa-ŋai su?
Le ɓe loŋ-kaa-ɓela da pɔri maa-kɔrii mɛnii su Charlie da Ferin kaa-ɓela di mo e pilaŋ berei ma di kpɔŋ la dinĩa-pɛlɛɛi dia a gɛɛ di tɔɔ a gbanaŋɔɔ tãi nua di tua nyɔmɔɔ kɛ la a dia?