ZƐŊ-LƐƐI 10

Kɛ Iwoo Kɛ Pere Maa Falenii

Tare-woo-ŋa 8:4, 7

MƐNI-ŊUŊ: Berei ya iwoo kɛ pere maa faleŋ lai e mɛni-ŋuŋ lɛ a zu ponoɔ, e nuai lii soŋ.

Kɛ ilono pere maa faleŋ ni. Lono a iwoo tɛɛ ɣelei ya kɛ ŋwɛlii mɛni-ŋuŋ e tɔɔ a zu ponoɔ, nyaŋ ya kɛ ŋwɛlii nuai di mɛni ta kɛ. Mɛnii tɔnɔi kɛ ya kɛ Ɣala-kɔlɔ-kpua ta lonoi e pilaŋ mɛni-ŋa-teeɛ ma. Iwoo maa yeŋ a gɛɛ I dilii kula di mɛni-ŋuŋ nɛɛ polui mɛni, kpaa I nɛ a gɛɛ gaa a yao kpaa maŋ lii-sɛlɛŋ mɛni.

Ife kɛ nɔ lonoi a iwoo tɛɛ ɣelei a tãi kelee, nuai difaa gaa la yɛɛ ya laɣii dia. Ife gɛ a pere sii nyii pai gɛi nuai di diŋɛi kɛ ya e tɛɛ mɛnii ya moi ma.
Kɛ iwoo maa tɛi kpaa maa yenii. Iwoo tɛ ya kɛ lonoi e pilaŋ mɛni ta ma nyii mɛni kpanaŋɔɔi, kpaa maŋ sɛŋ kɛtɛ pere, kpaa goyaa pere. Iwoo maa-yeŋ ya kɛ mɛni ta ɓoi nyii gaa a maloŋ mɛni kpaa lii-sɛlɛŋ mɛni.
Kɛ ilono pere maa faleŋ ni. Lono a maa fela ya kɛ mɛni ta ɓoi nyii ilii nɛ̃ɛi da nuai diwoli tɔɔi yai. Ife lono a maa felaa, ya kɛ lonoi e pilaŋ mɛni-ŋuŋ ta ma.

Ife iwoo tɛ nɔ ɣelei, kpɛni fei a pai nuai kili-ŋa pui. Ya lono a maa felaa, dife pai mɛnii ŋaa kaai ya moi.