Fulu-laa Maa Mɛni Siɣe A Gbanaŋɔɔ

Fulu-laa a kɛ kuyeei, kwa mɛni lɛlɛɛ tamaa ŋaa nɛ̃ɛ kula. Kwa kɛ kpiŋ tɛɛi mɛni-kpɔlu-ŋa su, kwa pɔri nii kɛ-ɣeniɛ ŋaa nɛ̃ɛ kulai a pere sii ta. Kwa pɔri nɛi leŋ a gɛɛ fulu-laa maa mɛni kpanaŋɔɔi kua? Nyaŋ le ɓe nyiŋi kɛ a mɛni-kpanaŋ?

1. Le mɛni ɓe maa nɛ̃ɛi ku fulu-laa maa mɛni siɣe la a gbanaŋɔɔi?

Maa nɛ̃ɛi ku fulu-laa maa mɛni siɣe a gbanaŋɔɔ kpɛni fei gaa a ɓɛlɛ-see-sɛŋ nyii kula kuwɛli-kɛ-maa Naŋ, Ziova yeei. “[Nyaa] ɓa fulu-laa kelee kɔɔ pilani”​—nya ɓe fulu-laa kelee kpɛtɛ. (Ŋule-wooi 36:9) ‘Nyaa kpiŋ ɓe fulu-laa da sɛŋ kelee tɛɛ nuu kelee pɔ.’ (Dikɛ-mɛni-ŋai 17:25, 28) Ziova a zãai maa mɛni kpanaŋɔɔi kuai tɛɛ kupɔ. E tee nyiti ma, a ŋɔnɔ zãai a gɛ kukɛ ɣele mai tɛɛ kupɔ a gɛɛ ku kɛ-ɣeniɛ ŋaa nɛ̃ɛ kula.​—Dikɛ-mɛni-ŋai 14:​17 lono.

2. Kwa pɔri nɛi leŋ Ziova ma a gɛɛ fulu-laa maa mɛni kpanaŋɔɔi kua?

E siɣe tãi ma ilee e too la kpaaŋ su imɛni mai, Ziova kpaaŋɔɔi imɛni ma. Ɣala ŋɔmɔleŋ maa waai e gɛ Deeɓe nyii kɛ a Ɣala fɛli-nuui, e mo nyɛɛi: “I ŋgaa, di lɛɛ pai maa sɔlɔ ɓoi.” (Ŋule-wooi 139:​16) Ifulu-laai maa mɛni kpanaŋɔɔi Ziova ma. (Maafiu 10:​29-31 lono.) Ziova lii a soli a ŋanaa a kɛ nuu ta a giri e maraŋ-nuu paa, kpaa maŋ e gbiŋ paa.a (Ɛsedɔ 20:​13) Ziova lii a ŋɔnɔ too polu kwa wala kufulu-laai maa mɛni siɣe a gbanaŋɔɔ kpaa kwa wala tua a pere sii nyii pai nua difulu-laai maa kɔ̃ɔi. Kwa kufulu-laai da nua takpɛni-ŋa difulu-laai maa mɛni siɣe a gbananɔɔ, kwa nɛ a gɛɛ yee-see-mu kaa kuyeei fulu-laa mɛni ma nyii gaa a ɓɛlɛ-see-sɛŋ mɛni kpanaŋɔɔi.

MƐNI TAMAA MAA-KƆRI

3. Ikpono mɛi kaa

Ee kwaa ku kono tee Ziova yeei a gɛɛ kwa pai nĩa-mɛni kɛi a tãi kelee, kwa vɛli a kufulu-laai kelee. Gaa nɔ yɛɛ kwa kukpono kula a sala Ɣala mi. Lomaŋ 12:​1, 2 lono, gɛ ni ka lono e pilaŋ mare-kɛɛ-ŋai ŋi dia:

• Le ɓe maa nɛ̃ɛi e ilii kula a gɛɛ I ikpono mɛi kaa?

• Bere sii-ŋai ya pɔri gɛi lai taŋa ɓa le?

4. Tãi siɣe a gɛɛ ife mɛni ŋanaa kɛ a ikpiŋ kpaa nua takpɛni-ŋa

Ŋala-kɔlɔi a ku lia-woo ɓo a gɛɛ kufe tua a pere sii nyii pai mɛni ŋanaa kɛi a kua kpaa nuu takpɛni. VILOI su kaa a gɛɛ I mɛni taŋa maa-kɔri nyii ya pɔri gɛi a gɛɛ I ikpiŋ mɛi kaa.

VILOI: Fulu-laa Mɛni Siɣe A Gbanaŋɔɔ (8:​34)

Tare-woo-ŋa 22:3 lono, gɛ ni ka lono e pilaŋ berei ma ya pɔri ikpiŋ mɛi kaai la da nua takpɛni-ŋa . . .

• ya kɛ ipɛrɛi la.

• ya kɛ itii kɛɛi su.

• ya kɛ pele kɛi.

• ya kɛ keleŋ kpaa sia sɛŋ kelee ta su.

5. Loloŋ nyii gaa nii nee koo-ɓɔlɔŋ sui ŋɔfulu-laai mɛni siɣe a gbanaŋɔɔ

Deeɓe e mo a gɛɛ Ziova kpaaŋɔɔi loloŋ nyii gaa nii nee koo-ɓɔlɔŋ sui ŋɔfulu-laai mɛni ma. Ŋule-wooi 139:​13-17 lono, gɛ ni ka lono e pilaŋ mare-kɛɛ ŋi ma:

• Mi tãi ɓe nuu ŋɔfulu-laai kɔɔ a pilaŋ la Ziova ŋɛi, maa sɔlɔ ɓo tãi kpaa tãi nee a too la kpaaŋ sui?

Ziova ŋɔtɔŋ nyii kɛ Eezuɛ-ŋai mɛni mai, e nɛyaa maa kɔ̃ɔ da dinĩa-pɛlɛɛi nyii-ŋai kɛ nii dikoo-ɓɔlɔŋ sui. Ɛsedɔ 21:​22, 23 (NWT) lono, gɛ ni ka lono e pilaŋ mare-kɛɛ-ŋai ŋi dia:

• Ziova lii a kɛ leŋ a kɛ nuu ta fe giri ni e loloŋ nyii nee koo-ɓɔlɔŋ sui ŋɔfulu-laai su kara?

• Nii a kɛ leŋ a kɛ nuu ta a giri e gɛ?b

• Ikili-ŋa-siai kaa leŋ e pilaŋ berei ma Ɣala a nyiti kaa lai?

VILOI su kaa.

VILOI: Fulu-laa Maa Mɛni Siɣe A Gbanaŋɔɔ (5:00)

Tãi taŋa, mɛni ta a pɔri gɛi nɛni nyii a fulu-laa mɛni siɣe a gbanaŋɔɔi, e kpiŋ gaa yɛɛ koo-karaa nɔ ɓa mɛnii a pɔri gɛi. Azaya 41:​10 lono, gɛ ni ka lono e pilaŋ mare-kɛɛ-ŋai ŋi dia:

• Nua da kɛ kpalai nɛni ta la a gɛɛ e koo kara, gbɛɛ ɓe a pɔri lii bɔ kpɔŋ maa mɛni ma? Le mɛni ma?

MƐNI-ŊUŊ-ŊAI YAA MAA-KƆRII

Ŋala-kɔlɔi a ku fɔrɔi a gɛɛ ku fulu-laa wɛli, ku maa mɛni siɣe a gbanaŋɔɔ, ku ŋɔnɔ maa kɔ̃ɔ. A pɔri kɛi a kufulu-laai kpaa nua takpɛni-ŋa difulu-laai.

Gili-too-ŋa mare-kɛɛ-ŋai

• Le mɛni ɓe Ziova a fulu-laa mɛni siɣe la a gbanaŋɔɔi?

• Ziova lii a kɛ leŋ nuu ta a giri e maraŋ-nuu ŋɔfulu-laai su kara?

• Le ɓe ŋwɛli kaa ya e pilaŋ fulu-laa mɛni mai?

MƐNI TAKPƐNI-ŊA MAA-KƆRI

Kwa pɔri Ziova sɛɣɛi fei leŋ fulu-laa mɛni ma?

Ŋulei 141​—Fulu-laa Kaa A Ɓɛlɛ-see-sɛŋ Mɛni Kpanaŋɔɔ (2:41)

Mare-kɛɛ ŋi sukulai kaa, I laai la Ɣala a pɔri nɛni nyii aa koo karai su mɛni lɛɛi?

“Le Ɓe Ŋala-kɔlɔi E Mo E Pilaŋ Koo-karaa Ma?” (Zɛŋ-lɛɛi ŋi kaa jw.org fãai ŋa)

Berei kaa Ɣala ŋɔkili-ŋa-siai e pilaŋ fulu-laa ma a kpɔŋ la kua a gɛɛ ku bele sii kɔlɔŋ kwa pɔri gɛi.

“‘Pele Nyɔmɔɔ-ŋa’​—Maa Nɛ̃ɛi I Gɛ?” (Kɛ-a-iŋɛi!, Ŋweei 8, 2000)

Nuu ta a kɛ ŋwɛlii e gbiŋ paa nyaŋ? Berei kaa Ŋala-kɔlɔi a pɔri kpɔŋ maa tɛɛi la bɔi.

“Ŋa Ŋwɛlii Ŋa Saa​—Ŋala-kɔlɔi A Pɔrii Kpɔnii Ma Ŋa Kɛ Ŋwɛlii Ŋa Ŋgbiŋ Paa?” (Zɛŋ-lɛɛi ŋi kaa jw.org fãai ŋa)