Le Ɓe Ŋala-kɔlɔi E Mo E Pilaŋ Goyaŋ-laa Da Tua-laa Ma?

Lɔii-ŋuŋ taŋa su, nua taŋa da gaa yɛɛ nuu fa pɔri lii-nɛ̃ɛ sɔlɔ ɓoi a wala kɛ tua-laa su. Kɛlɛ tua-laa su-ɓela kelee fei dilii nɛ̃ɛi, nyaŋ diai dife tua-laa sui di taŋa dilii nɛ̃ɛi. Dɔ̃yai ɓa, Ŋala-kɔlɔi e mo a gɛɛ goyaŋ-laa da tua-laa kaa a ɓɛlɛ-see.

1. Mɛni lɛlɛɛ-ŋai goyaŋ-laa a pa lai taŋa ɓa le?

Ŋala-kɔlɔi e mo nyɛɛi: “Nuui nyii a nɛni kulai a mɛni lɛlɛɛ kɛ, kɛɛ nuui nyii va nɛni kulai a mɛni lɛlɛɛ kɛ e tɛɛ maraŋ nuui ma.” (1 Kɔleŋtiɛŋ 7:​32, 33, 38 [NWT] lono.) Pere sii kɛɛ leŋ ɓe goyaŋ a pɔri “mɛni lɛlɛɛ kɛi la” e tɛɛ tua-laa su nuu ma? Korai-ɓelai nyii-ŋai dikaa a goyaŋ, pɔŋ mɛi kaa maa kili-ŋa sia fe dia. Mɛni ma, tãi tamaa kaa diyeei. Gɔɔŋ-maa ɓa, di taŋa da pɔri dimaa tɛi ŋala-woo-ɓo tii su a pere sii lɛlɛɛ-ŋa yɛɛ, di liɛ lɔii-ŋuŋ takpɛni-ŋa su duŋ lɛlɛɛ ɓo mɛni ma. Mɛni-ŋuŋ ɓa, tãi tamaa kaa diyeei a gɛɛ di lɛɣɛ a Ziova.

2. Le mɛni lɛlɛɛ-ŋa ɓe diai da ditua-laai gɔlɔ kulai da zɔlɔ ɓo?

Yɛɛ goyaŋ-laa, tua-laa a pa a mɛni lɛlɛɛ tamaa. Ŋala-kɔlɔi e mo nyɛɛi “nuu feerɛ kɛɛ kwaa ma lɛlɛɛi e tɛɛ la nuu tɔnɔ ma.” (Ikilisiati 4:9) Nyiŋi kaa a tɔ̃ya Korai-ɓela titi mɛni ma nyii-ŋai siai a Ŋala-kɔlɔi ŋɔtɔ̃ya-ŋuŋ-ŋai ditua-laai su. Tua-laa su-ɓela nyii-ŋai da ditua-laai gɔlɔ kulai, da di kono tee a gɛɛ da pai dikie-ni wɛlii, di ɓaa-kɛ-maa tɛɛ dikie-ni pɔ, di dikie-ni soŋ a nɛlɛɛ. Mɛni ma, tãi tamaa dilii a kɛ a nɛ̃ɛ e tɛɛ la diai dia dife nii ditua-laai gɔlɔ kula ni. Nyaŋ nyiŋi a dinĩa-pɛlɛɛi maa kɔ̃ɔ, e dilii nɛ̃ɛ.

3. Le ɓa Ziova ŋɔkili-ŋa-siai e pilaŋ tua-laa ma?

Tãi Ziova e dua-laai maa-ŋuŋ kɔɔ pilaŋ lai, e mo nyɛɛi: “Mɛni ma surɔŋ a naa naŋ da nee lɛɛ e kanaŋ ŋɔnɛnii ma.” (Zɛnɛse 2:​24) Ziova a ŋwɛlii a gɛɛ zurɔŋ da ŋɔnɛnii di dikie-ni wɛli, di lɛɛ dikie ma a tãi nɔ dikaa la ɣele mai. Mɛnii nɔ a gɛ e faa taa-la mai ɓa a kɛ nuui dɔnɔ a wulu-wulu kpɛ. Nyiŋi a kɛ, Ziova a nɛɛ naa a gɛɛ nuui nyii ve wulu-wulu kpɛ ni, e gbɔɔi mɛni-kpɛtɛɛ kɛ a kɛ da bɔŋ da pai taai.a (Maafiu 19:9) Ziova fa faa ma a gɛɛ Korai-ɓela di nɛni kpaa surɔŋ tamaa kula.​—1 Temete 3:2.

MƐNI TAMAA MAA-KƆRI

4. Tii kɛ a igoyaŋ-laai a nɛlɛɛ

Zisɛ e mo a gɛɛ goyaŋ-laa kaa a ɓɛlɛ-see. (Maafiu 19:​11, 12) Maafiu 4:​23 lono, gɛ ni ka lono e pilaŋ mare-kɛɛ ŋi ma:

• Zisɛ e tii kɛ leŋ a goyaŋ-laa a gɛɛ e tii kɛ Naŋ mi, e kpɔŋ maa tɛɛ nua pɔ?

Korai-ɓela da pɔri di goyaŋ-laai ŋaa-nɛ̃ɛ kulai yɛɛ berei Zisɛ e gɛ lai. VILOI su kaa, gɛ ni ka lono e pilaŋ mare-kɛɛ ŋi ma.

VILOI: Goyaŋ-ŋai Nyii-ŋai Tɔɔi A Gbanaŋɔɔi (3:11)

• Pere sii lɛlɛɛ-ŋa kɛɛ leŋ ɓe Korai-ɓela da pɔri tii kɛi la a di goyaŋ-laai?

I mɛnii kɔlɔŋ?

Ŋala-kɔlɔi fe goraŋ lɛ ni nuu a pɔri serii zu e lɛɛ pai tooi tua-laa su. Kɛlɛ, Ŋala-kɔlɔi a nuu fɔrɔ a gɛɛ e maa kpɛŋ kɛ e lɛɛ la zu “tãi nɛni-mɛni da surɔŋ-mɛni a kɛ a gbanaŋɔɔ la nuu lii sui e tɛɛ,” e lɛɛ pai tooi tua-laa su. A kɛ a gbanaŋɔɔ a gɛɛ nuu e mɛni-kpɛtɛɛ lɛlɛɛ-ŋa kɛ a maa tãi ti.​—1 Kɔleŋtiɛŋ 7:​36, NWT.

5. Nuui ya pai gulai siɣe a tare pere

Mɛni-kpɛtɛɛ kɛtɛi dɔnɔ nyii ya pai wɔlɔ gɛi ikɛ-ɣeniɛi sui ɓa, a gɛɛ I nuu ta siɣe a gɛɛ ka nyaa kakɛ tua-laa su. Maafiu 19:​4-6, 9 lono, gɛ ni ka lono e pilaŋ mare-kɛɛ ŋi ma:

• Le mɛni ɓe maa nɛ̃ɛi Korai-nuu e gbɔɔ tãi siɣe la e lɛɛ pai tooi tua-laa su?

Ŋala-kɔlɔi a pɔri kpɔnii ya a gɛɛ I dua-pere-ŋai kɔlɔŋ nyii a nuu kɛ a nɛni kpaa surɔŋ lɛlɛɛ tua-laa mɛni mai. Mɛni-ŋuŋ ɓa, nuu ta kɔri nyii Ziova wɛlini.b 1 Kɔleŋtiɛŋ 7:​39 da 2 Kɔleŋtiɛŋ 6:​14 lono. Gɛ ni ka lono e pilaŋ mare-kɛɛ-ŋai ŋi dia:

• Maa nɛ̃ɛi nɔ ku too tua-laa su a kuɓaraŋ Korai-nuu le mɛni ma?

• I laai la Ziova lii a pai kɛi leŋ a kɛ kwa too tua-laa su a nuu nyii Ziova wɛli fe mai?

6. Tua-laa kaa yɛɛ berei Ziova a gaa lai

Eezuɛ-ŋai ditãi ma, sinaa taŋa da kaa dinɛyaai lɛɛ nɔ mɛni pɛlɛ-pɛlɛɛ kelee mɛni ma. Malakai 2:13, 14, 16 lono, gɛ ni ka lono e pilaŋ mare-kɛɛ ŋi ma:

• Le mɛni ɓe Ziova fa ŋwɛli la a gɛɛ tua-laa su-ɓela di taa mɛni-ŋuŋ ta mɛni ma nyii ve Ŋala-kɔlɔi sui?

VILOI su kaa, gɛ ni ka lono e pilaŋ mare-kɛɛ ŋi ma.

VILOI: Tua-laa Fe Nɔ Tãi Kpua Mɛni Ma (4:​30)

• A kɛ ikaa tua-laa su a nuu nyii ve Ziova fɛlii, le ɓe ya pɔri gɛi a gɛɛ lii-nɛ̃ɛ e kɛ itua-laai su?

7. Sia a Ziova ŋɔlia-woo-ŋai tua-laa mɛni ma

VILOI: Ya Pɔri Siai A Ziova Ŋɔlia-woo-ŋai Tua-laa Mɛni Ma (4:​14)

Ibulu 13:4 lono, gɛ ni ka lono e pilaŋ mare-kɛɛ-ŋai ŋi dia:

• I laai la Ziova ŋɔtɔŋ-ŋai lɛlɛɛi e pilaŋ tua-laa ma? Le mɛni ma?

Ziova a ŋwɛlii a gɛɛ Korai-ɓela di ditua-laai da ditaa-laai gɔlɔ kula, kpɛni fei gaa a tɔŋ lɔii-ŋuŋ taŋa su a gɛɛ nuu kelee e gɛ ti. Taitɔ 3:1 lono, gɛ ni ka lono e pilaŋ mare-kɛɛ ŋi ma:

• A kɛ ikaa tua-laa su, I laai la gɔmɛti e mɛni kɔlɔŋ e pilaŋ itua-laai ma?

MƐNI-ŊUŊ-ŊAI YAA MAA-KƆRII

Goyaŋ-laa da tua-laa kaa a ɓɛlɛ-see nyii kula Ziova yeei. Goyaŋ-ŋa da tua-laa su-ɓela da pɔri lii-nɛ̃ɛ sɔlɔ ɓoi a kɛ nɔ da dikɛ-ɣeniɛi kɛ yɛɛ berei Ziova a ŋwɛlii lai.

Gili-too-ŋa mare-kɛɛ-ŋai

• Nuu a pɔri tii kɛi leŋ a nɛlɛɛ a ŋɔgoyaŋ-laai?

• Le mɛni ɓe Ŋala-kɔlɔi e mo la a gɛɛ maa nɛ̃ɛi ku too nɔ tua-laa su a kuɓaraŋ Korai-nuu?

• Le mɛni nɔ ɓe Ŋala-kɔlɔi e nɛ nyii tua-laa su-ɓela da pɔri taai mɛni mai?

MƐNI TAKPƐNI-ŊA MAA-KƆRI

A gɛɛ ku too nɔ tua-laa su “a Korai-nuu” sukulai ɓa le?

“Mare-kɛɛ-ŋai Nua Da Gɛi” (Nyeŋkeŋ, Gbɔɔyɔɔi 1, 2004)

Vilo kpua feerɛ su kaa nyii pɔrii kpɔnii ya a gɛɛ I mɛni-kpɛtɛɛ lɛlɛɛ-ŋa kɛ e pilaŋ tua-laa ma da nua kɛɛ dikie-ni maa kpɛɛi tua-laa mɛni ma.

Berei Ya Pɔri Ikpiŋ Kpɛtɛi La Tua-laa Mɛni Ma (11:53)

Mɛni maa-kɔri e pilaŋ mɛnii gɛ bɔlɔ tɔnɔ kɛ mo a gɛɛ mɛnii Ziova aa gɛ mi, mɛni kpanaŋɔɔi e tɛɛ sɛŋ kelee ta ma e bolu fe mai.

E Kɛ Ŋgili-ŋa A Gɛɛ A Pai Dɔ̃yai Maa-kɔrii (1:56)

Le mɛni-ŋa ɓe maa nɛ̃ɛi e lɛɛ nuu kili-ŋa a kɛ gili-ŋa siai e pilaŋ taa-laa kpaa fii-tɔɔ ma dua-laai su?

“Ɓaa Kɛ ‘Zɛŋ Ma Ɣala Aa Bu Gie Mai’” (Nyeŋkeŋ, Gɔlɛ-ɣaloŋ-loŋ 2018)