Alasna Awah Sau Akat Ban Atnin!

Adi wauhnitaya ulwi yakna sak kidi, ilp mamunwarang ki wais sau yamna kidi, dawi sau akat di bitik bang kidika amanglana atnam. Man nu awama, Gad sau yamna kidika, ayangni palni duwi. Akat bik masumaltanaki ki ais yulni Papangh muih yamna, dawi amput data sip man, alasna dunam sangmaka yak sau akat ban atnin.

Tahatayangna di wayani balna bang kidika, ilp mamunwang adika dini balna baisa amanglana atnam. Tanka baisa yamni dunam yulnikat, tiks balna kidika di wayani balna yaihnit yakat bang kidi laihta talnam ki, kaput laih sip awama, silp Papangh pranimis yaksisihni Baibil yak bang kidika yulta talnam, dawi ais yamnam Papangh mapakwa kidika duna atnam.

Want awamapah wauhnitaya adika yus munnam muih ûk balna yak ilp munna atnam. Walamabis balna dutamankat, yus munnam sipki Gad tannika balna amanglana atnin. Pâma yak muih bararak wauhtaya yulwi talnin sip awaskat, wayani balna yus munnam sipki, Papangh kulwa balna nu kalna atnin, dawi witingna bik sip karang ki muih ûk balna yak sumalnin.

Dukih yanawi adika wauhnitaya tadi munnin kidika blisin balna tâni apahwak duna atnam, dawi muih ûk balna yak disumaltah amput sangka ban atnin lâni dunin sau akat.