Man ais yamnamyah?
50 Want awamayah kidi paradais yaksihni yak ban sak atnam?
Kaput kat, baisa lan alahwah Gad yulwa kidika. Baibil yulwi talnin lan kalahnin kidika trai muntah. —Jan 17:3; Ribilisan 1:3
51 Disas kaupak baisa lan alahwah. Deuteronomio 18:18, 19; Jan 3:16; Apastil balna warknina 3:19-23.
52 Trai muntah di yamni manah yamnam, dawi Dihuba yulni daka yamnam. —Rom 6:17, 18, 22
53 Ismang kattah, Dihuba yulwi muih inin awas ti. —Éxodo 20:13; 1 Jan 3:11, 12
54 Muih dini dakyaknin awas ki. —Éxodo 20:15; Efesus 4:28
55 Muih al as bik muih yal karak kal payahnin awas, witing maridni yal laihtakat. —Éxodo 20:14, 17; 1 Tesalonica 4:3
56 Ismang katwih Papangh niningyakat muih al as muih yal yapak dunin sip kidika? Muih al kidika taim ampus maridni yal karak sak atnin yah? —Génesis 2:22, 24; Matyu 19:5, 6; 1 Kurint 7:2, 10, 11
57 Kaput bik ismang kattah, Dihuba ayangni manah nuhni yamnin ki. —Matyu 4:10; 1 Kurint 8:6
58 Aidul balna dawi wayani dauh balna kidika ilp mai mumunwas ki, ais yulni?—1 Kurint 8:4
Aidul dunin kidika, yamniyah? —Deuteronomio 27:15; 1 Jan 5:21
59 Ais yulni tup balna yus munnin kidika dutniyah? —Deuteronomio 18:10-13; Ribilisan 21:8
60 Insal dudutni, kidi awaskat walasa balna kidika Papangh niningyakat yaklalauna.
Sukiah balna munah muih yak alas kal yulwi. —Apastil balna warknina 16:16
61 Papangh yakat mamikit yulnin ki. Mamikit yulnin tannika laih Papangh karak yul baunin, witing dini yamnin, dawi ilp mayanin bik kal yulnin. —Filipos 4:6, 7
62 Disas yulni dakanin ki, dawi witing yak kasak kulnin. —Hibru 5:9; Jan 3:16
63 Ismang kattah witing prî mai yaknin yulni dauna. —Rom 5:8
64 Ismang kattah ma kingki taldas kidika laih Disas. Witing yulni dakanin ki. —Filipos 2:9-11; Ribilisan 19:16
65 Disas yulna di lan alahwa sak man kidika muih ûk balna yak sumalnam ki, dawi Papangh dini yamkih kalawa balna was kawi kristian kalahnin ki. —Jan 4:7-15; Mark 1:10
66 Kidika bahang di yayamni lan kalta sak man kidi wanaihma balna yak sumalnam sipki. —Matyu 10:32
67 Wauhtaya yulwi talnin yamni lan alahwamakat, di mahni lan kalma dawakat muih ûk yakat baisa yamni sumalma. —2 Timoti 2:15
68 Disas muih binina yak bik sumalna Papangh yulni dakana atnin. Witing taim duna witingna karak yul bauna atnin. —Matyu 19:13-15
69 Di almuk balna kidi walabis balna yak tadi sumalnin ki Papangh yulni dakanin dawi dalani kal talnin. —Deuteronomio 6:6, 7; Proverbios 6:20-22; Efesus 6:4
70 Suts sat mahni bang ki. Witingna sumalwa mahni kauh Baibil yak dis ki. Dihuba yulwi ramh lâni sumalwas sutsni balna kaupak kalahkiunin ki ti. —Ribilisan 18:4; Jan 4:23,24
71 Dihuba yaklauwi sau akat muihni balna duwi witing tannika balna mai sumalna atnin. wais balna nu manh?—Apastil balna warknina 15:14; Rom 10:14,15
72 Kidika balna laih Dihuba Witninis yulyang balna ki. Kulnin aslah lâni kau bang ki. Ais yulni? Kât witingna biri biri dalani kal tatalwa bahang. —Jan 13:34,35; Apastil balna warknina 8:25
73 Was kawi kristian kalalahwi, kât Dihuba yak dalani kal tatalwa bahang. Kaput laih, muih muhni yak lâih niningkawi dutnina dapapamna, dawi sangninaka Papangh yak kalalana warkni yamna atnin. —Mark 1:10
74 Dihuba Witninis yulyang balna tahanin duduwi paradais wisam yaksihni as kau ban atnin. —Salmo 37:9-11,29
Witingna karak paradais yakat sak atnamkat, ais yamnamyah? —Jims 1:22, 25; 2:20-26
75 Witingna yayamwa kapat Dihuba dini yamnin lan kaltah. Witingna dalani tatalwi Dihuba dawi Disas yak, dawi yulnina dakakawi, man bik dalani ditalamanh? Dukih mawih muih ûk yak ilp munnam Papangh tannika balna duna atnin? —Jan 6:45-47
76 Dihuba dawi Disas Kraist dalani matatalwi, dawi paradais yak sangka ban atnam want ki. —Jan 3:16
Wauhtaya akat wayani balna bang kidi dawi yulni yulwa yakarak lan kalna man kidika dukih mana, man bik sau akat nining ban kaput alasna sak atnam. Baisa lan kalnam want mankat mayultayangna Dihuba Witninis yulyang as karak yul baunam, tawanma yak. Wauhtaya as ulnam sipki, kidi awaskat paktang muih as ulwi mawang. Sihnam sipki, Dihuba Witninis yulyang âpisni yak, adi wauhnitaya basni numba bû yak kalahwi angkat sak pâni kidika.