SUMALNA PARAHNI 5

Was nuhni âna yulni kidika, ¿wais balna Papangh yulni dakakana yah?

Noa taimni kau laih, muih balna kidika uba dutni yayamwa dai (Génesis 6:5)

Insal dudutni muih ahal kakalna, yayal karak kalduduwi

Adam dawak Eva karak walabis duduna. Dawak sau akat muih mahni kakalna. Kurih mahni bayakwa kat insal buas kidika Sitan karak aslah kakalna dawak Papangh niningkauh yaklalauna.

Adika innisal balna sau akat aiwi muih al kakalna dawi yal duduwi walabis yayakna kidika muih dudutni dai, pararasni dai, dawi muih wararauwa dai.

Yal as kidi muih batanh bin as duwi, muih bin as yaklauwi yalni yak kalbawi; nefilim balna laih, innisal dudutni walaninabis ki, dawakat muih yak di wararauwi

Sau akat muih dudutni mahni kalalahna. Baibil yulwi: “Ahal balna kidika sau yak dutni mahni palni yayamna, dawak mâ bitik di dutni manah yamnin kukulwa dai.”

Noa kidika Papangh yulni dakana dawak kuring nuhni as yamna (Génesis 6:13, 14, 18, 19, 22)

Noa kidika laih muih yamni dai. Dihuba kalyulna Witing muih dudutni balna yakat was nuhni munah dismukwarang dai kidika.

Noa witing pamilnia karak kuring nuhni as yayamwi

Dihuba Noa yak kalyulna kuring nuhni as yamnin. Adika laih û kapat rabutna nuhni as dai. Kuringni pasyakat witing pamanili balna dawak di wail balna satni bitik kaupak duaiwi punin dai.

Noa muih balna yak isningnapakwi was nuhni as âwarang, kaunah niningkauh kakare

Noa yaklauwi muih balna yak isningna pakna was nuhni as kaiwarang yulni, kaunah muih balna kidika Noa yulni dakawas dadana, kaput bik witing yak misbara kaltatalwi nining kakarana.

Noa, witing paminilia karak di wail balna yak kuring nuhni paskau duwi ahawi

Kuring nuhni kidika Noa dahn yamna kat, pasyakat di wail balna duaiwi puna.