Kosecela Kuli Kwakusosekwa Kuti Tujiganyeje Mwakamula Mtima

Yesu paŵam’wusisye kakwana kaŵili yakwamba umi wangamala, ndaŵi jilijose ŵajangaga mwakamulana ni yakusoŵa ya akuwusyawo. (Luk. 10:25-28; 18:18-20) M’yoyo atamose kuti buku jatukusajikamulicisya masengo pakulijiganya Baibulo ni ŵandu tujimanyi cenene, tukusosekwape kosecela mkanipaŵe tuli mkuganicisya ya jwakulijiganya jwetujo. Ana yindu yapi yampaka alaje kuyipikanicisya kapena kuyijiticisya? Ana malemba gapi ganganigakamulidwa maloŵe gatukusosekwa kuja kum’ŵalanjila? Ana tulijiganyeje yindu yapawinji catuli? Mpaka tusosekwe kosecela cisyasyo, kutagulila, soni yiwusyo yampaka yimkamucisye jwakulijiganyajo kupikanicisya nganijo. Pakuŵa Yehofa ni jwakusakusya mbeju ja usyesyene mumtima, tutukusosekwa kum’ŵenda kuti atukamucisye patukosecela, patukulijiganya, soni kuti amkamucisye jwakulijiganyajo. Tum’ŵendesoni kuti ajaliŵe mtawu wetu patukumkamucisya mwausimu.—1 Akoli. 3:6; Yak. 1:5.