Fan ko Piin Gallabthir

Mang e bin th’abi fel’ e tow’ath nrayog ni ngam pied ko bitir romed? Boor ban’en nib t’uf rorad. Ba t’uf ni ngaun t’ufegrad, ma yibe pow’iyrad, ma yibe ayuwegrad. Machane, bin th’abi fel’ e tow’ath nrayog ni ngam pied ngorad e aram e ngam filed murung’agen Jehovah ngorad, nge tin riyul’ ni bay ko Thin rok ni aram e Bible. (John 17:3) Re n’ey e rayog ni nge ayuweg pi fakmed ni nge t’uf Jehovah rorad, mar pigpiggad ngak u polo’ i gum’ircha’rad, ni yugu aram rogon ni ka yad ba achig.​—Matthew 21:16.

Boor e gallabthir ni kar pirieged ni faan yira fil buchuuw ban’en ko bitir, mab mom ni nge mit ngorad. Ere, gamad ba felfelan’ ni nggu pied e re ke babyor ney ni fan ngorad ni kenggin e, Pi N’en ni Gu Ra Fil u Bible. Gubin e guruy u lan e re ke babyor ney e ba mom ni ngan fil ban’en riy. Pi sasing nge thin riy e kan ngongliy ni fan ko bitir ni dalip e duw rok nga but’. Ku bay boch ban’en riy nrayog ni ngan fal’eg u taabang. Re ke babyor ney ni kenggin e, Pi N’en ni Gu Ra Fil u Bible e gathi ngam pied ko bitir romed ni ngar fafelgad ngay, ya kan ngongliy ni ngam beeged u taabang, ya nge yag ni nge fel’ e numon u thilmed.

Gamad manang nra ayuwegmed e re ke babyor ney ni ngam filed e tin riyul’ u Bible ko bitir romed u nap’an ni ka yad ba “bitir.”​—2 Timothy 3:14, 15.

Pi walagmed,

Fare Ulung ni Ma Pow’iyey ko Pi Mich Rok Jehovah