5. Fare Biyul E Bin Th’abi Fel’ E Tow’ath Ni Pi’ Got

1 GAD GUBIN NIB T’UF FARE BIYUL RODAD

“En ni Fak e Girdi’ [e] yib . . . ni nge . . . pi’ e pogofan rok nge biyuliy boor e girdi’ ngay.”​—Matthew 20:28

Mang fan nib t’uf fare biyul rodad?

• Genesis 3:17-19

  Nap’an ndaki fol Adam rok Got, ma aram me kireb e tha’ u thilrow, me mul e yafos nib flont u pa’, nge fare milay’ nib Paradis ni tafen.

• Roma 5:12

  Bochan e n’en ni rin’ Adam, ma aram me af e denen nge yam’ ngodad.

• Efesus 1:7

  Fare biyul ni ke pi’ Jehovah e aram e kanawo’ ni ke fanay ni nge chuweg e girdi’ u tan gelngin e denen nge yam’.

2 JEHOVAH E IR E PI’ FARE BIYUL

“I l’og Fak ni kari maagirag rok ngaray nga fayleng ni fan e nge yog e yafos ngodad u daken.”​—1 John 4:9

Uw rogon ni ke pi’ Jehovah fare biyul?

• Psalm 49:7, 8

  Dariy bagadad nrayog rok ni nge pi’ puluwon e yafos nib flont ni ke mul u pa’ Adam.

• Luke 1:35

  Ke pi’ Jehovah Fak nrib t’uf rok ni ngan gargeleg nga fayleng ni be’ nib flont.

• Roma 3:23, 24; Hebrews 9:24

  Tomuren nni faseg Jesus ko yam’, me sul nga tharmiy, ma aram me ognag fel’ngin fare biyul ngak Jehovah.

3 KE PI’ FARE BIYUL E BIN RIYUL’ E ATHAP NGODAD

“Bayi n’ag urngin e lu’ u owcherad. Ma aram e dab ku unim’.”​—Revelation 21:4

Uw rogon nra yib angin fare biyul ngodad?

• 1 John 1:8, 9

  Rayog ni ngan n’ag fan e denen rodad.

• Hebrews 9:13, 14

  Rayog ni nge beech e nangan’ rodad u mit Got.

• Roma 6:23

  Bay e athap rodad ko yafos ndariy n’umngin nap’an.

• Galatia 2:20

  Fare biyul ni kan pi’ nib tow’ath e be micheg ni gad ba t’uf rok Jehovah nge Jesus.

4 BA T’UF NI NGE GA’ FAN FARE BIYUL U WAN’DAD

“Got e . . . pi’ Fak ni kari maagirag rok nge yib, ni fan e nge urngin e piin ni michan’rad ngak e aram e . . . ke yog e yafos ndariy n’umngin nap’an ngorad.”​—John 3:16

Uw rogon ni ngad daged nriyul’ nib ga’ fan u wan’dad fare biyul ni ke pi’ Got nib tow’ath?

• John 17:3

  Ba t’uf ni ngam nang Jehovah nge Jesus, mag folwok rorow.

• Luke 22:19

  Mu un ko fare Puguran ko yam’ ni tay Kristus ni yima tay u gubin e duw.

• John 3:36; James 2:26

  Gathi kemus ni nga dogned nib mich Jesus u wan’dad, ya ku thingar da rin’ed e n’en ni ke yog ngodad ni ngad rin’ed.