10. Tin Riyul’ U Murung’agen E Pi Engel

1 PI ENGEL E YAD BANG KO TABINAW ROK GOT

“Gimed e pi engel ni bay gelngimed nib gel, ni gimed be fol ko tin ni ke yog ni nguun rin’ . . . , mpininged e sorok ngak Somol!”—Psalm 103:20

Mang e gad manang u murung’agen e pi engel?

Job 38:4-7

I sunmiy Jehovah e pi engel u m’on ni nge sunmiy e fayleng.
Revelation 5:11

Bokum milyon e engel ni bay.
1 Peter 1:11, 12

Kab kafram i yib ni ma lemnag e pi engel e n’en nib m’agan’ Jehovah ngay ni fan ko fayleng.
Luke 15:10

Ma lemnag e pi engel e piin ni yad be pigpig ngak Got.

“Engel rok Somol e ma matanagiy e piin ni bay madgun Somol u wun’rad, me chuwegrad ko riya’.”—Psalm 34:7

Uw rogon ni kad nanged nrayog ni nge ayuweg e engel e girdi’?

Genesis 19:15, 16; Daniel 6:22; Luke 22:43; Acts 12:6-11

I ayuweg e pi engel Lot, nge Daniel, nge Jesus, nge Peter.
Hebrews 1:7, 14

Ma fanay Jehovah e pi engel rok ni ngar ayuweged mar yororiyed e pi tapigpig rok e ngiyal’ ney.

“Ngad tiyed moonyan’ ndabiyog ni nge gel ngodad; ya gadad manang e tin ni be lemnag ngodad.”—2 Korinth 2:11

Mini’ e pi moonyan’, ma mang fan nrayog ni ngar gafgownaged gadad?

Revelation 12:9

Immoy reb e engel ni togopuluw ngak Jehovah. Yima yog Satan ngak.
Genesis 6:2

U nap’an Noah ma immoy boch e engel nra togopuluwgad ngak Got, ma aram mar bad nga fayleng.
Matthew 9:34

I un e pi engel nem ngak Satan ko togopuluw ni tay, ma aram mar manged e pi moonyan’.
Deuteronomy 18:10, 11

Ma gay e pi engel rogon ni ngar bannaged e girdi’ ma kur gafgownaged yad u rogon kanawoen nrayog rorad.

‘Mu togopuluwgad ngak fare moonyan’, me mil romed.’—James 4:7

Uw rogon nrayog ni nge ayuwegem Jehovah ni ngam togopuluw ngak Satan nge pi moonyan’ rok?

Acts 19:19

Mu n’ag gubin ban’en ni bay rom nib sor fan ko pig, maku ma k’aring e girdi’ ni ngar adaged ngongolen e moonyan’, fa ra lemnaged ndariy ban’en nra buch rorad ni faanra ur fanayed e pi n’em.
Efesus 6:16, 18

Mu gelnag e michan’ rom u daken e fol Bible ni ga ma tay, mag meybil ngak Got ni nge ayuwegem.
Proverbs 18:10

U mog fithingan Jehovah.