Rogon ni ngari yib angin ngom e pi n’ey ni be fil e Bible
Mu filew be’ u taabang: Mog ngak e en ke pi’ e re ke brochure ney ngom ni ngam filew e Bible, ara mu fal’eg bang e request ni bay ko website romad ni jw.org/yap.
TABOLNGIN
Mu beeg reb e paragraph nge reb nib muun ngay e pi deer (A) nib bold nge pi thin nu Bible (B) ni be tamilangnag e n’en nib ga’ fan riy. Mu tay fanam i yan riy ni bay boch e thin nu Bible ni kan tay e “mu beeg” ara “mu beegew” ngay.
LUKNGUN
Tin som’on e thin (C) ni bay u tan fare thin ni Kum Fil Boch Ban’en u Murung’agen e be weliy e n’en yira weliy murung’agen. Pi subheading (D) e be tamilangnag e n’en nib ga’ fan ni yira weliy. Mu beeg e pi thin nu Bible ni bay riy, mag gay e fulweg ko pi deer, mag yaliy e pi video (E) riy.
Mu fal’eg i yaliy e n’en bay ko sasing nge thin riy (F), mag lemnag rogon ni ngam pi’ e fulweg ko n’en bay ko fare thin ni Ma Gaar Boch e Girdi’ (G).
TUNGUN
Fare thin ni N’en Kan Fil nge Ngan Sul u Daken (H) e yira weliy u tungun reb e guruy. Mu yoloy nga but’ e rofen ni ke m’ay reb e guruy. Fare thin ni N’en Ngam Nameg (I) e be weliy e n’en ngam nameg ni ngam rin’. Ma fare thin ni Mu Gay Murung’agen (J) e bay boch ban’en riy nrayog ni ngam beeg ara mu yaliy.
Rogon ni ngam pirieg e thin nu Bible
Rogon ni kan yoloy e thin nu Bible riy e aram e kan tay e babyor ko Bible (A), me migid e guruy (B), me yib e verse (C) nga tomuren. Bod ni, John 17:3 e be yip’ fan fare babyor rok John, ko guruy ni 17, ko verse 3.