Mu Skulnagrad Ko Ngiyal’ Ni Ka Yad Ba Madway

KAN pirieg e ngiyal’ ney ni “bitir ni ka bay u meyal’ e ra fel’ rogon nga lamay ni ma rung’ag.” Ke weliy e Winnipeg Free Press ni piin ni ma gay boch ban’en u University of Carolina e ke “pirieg ni tomren ni ke bieg e pi matin e babyor ngak e bitir rorad ni ka bay u meyal’, ma ma mithmith e bitir ko ngiyal’ ni kan bieg e babyor ngak biyay u tomren ni kan gargelnag.” Faan ra bieg e ppin e babyor ni baga’ laman ko ngiyal’ ni ba diyen, ma aram rogon ni be yib angin nib fel’ ko bitir. Be weliy e Bible u morngaagen Timothy, ‘nnap’an ni kab bitir ma manang e thin ni bay u lan fare babyor nib thothup.’ (2 Timothy 3:14, 15) Be gagiyel ni chitiningin Timothy nge titaw rok e ur tew fan ni ngar skulnagew ko ngiyal’ ni kab madway, nib muun ngay ni ngar biegew e babyor ngak ni baga’ lamrow.

Be weliy Jim Trelease ni reb e tayoloy e thin ni bieg babyor e aram e “bin th’abi fel’ e salap ni bay rok e girdi’ e ngiyal’ ney.” Ma mon’og e girdi’ ko language nge vocabulary skills ni faan yad ra bieg e babyor ni baga’ lamrad.

Bay e gonop riy ni ngam bieg e babyor ngak e bitir rom ko ngiyal’ ni ngam tabab ni ngam non ngak. Yugu aram rogon nde nang e bitir fan e n’en ni ga be yog, ma ra munmun ma ra fel’ rogon e bitir riy. Be yog e Proverbs 22:6 ni gaar: “Mu fil ngak ba bitir rogon e ngongol ni ngi i tay, mi i par u wan’ u n’umngin nap’an e yafos rok.”

Mang e rayog ni ngam bieg ngak e bitir ni nge fel’ rogon riy? Nga mu bieg e Bible ngak ni baga’ lamam u gubin e rran. Maku ngam bieg yugu boch e babyor nib fel’ ni bod e Listening to the Great Teacher, Babyor Rog ni Chep nu Bible, The Greatest Man Who Ever Lived, nge boch e thin ni bay u lan e Watchtower nge Awake! magazine.

Ba riyul’, ra ngam pi’em ni aray rogon ma ba l’ag e tayim ngay, machane ra yib angin riy. Ireram rogon ni ngam dag ni ga baadag e tin nib fel’ ni fan ko bitir rom ma ga be dag ni ba t’uf e bitir rom.