Ke Lebug e Thin ko Profet u Bible

BAY reb e klok nib lingagil nge reb e masin ni kan nog e electronic digital counter ngay u lan e Imperial War Museum u London, England. Nap’an ni be chel e klok, ma be chub e counter u gubin e 3.31 second. Nap’an nra chub e counter ma be uneg reb e namba ngay. Ra chub ta’ bayay reb e namba ma be yip’ fan reb e pumoon, ppin, ara bitir ni ke yim’ ni bochan e mahl u nap’an e re chibog ney.

Ke tabab i theeg ma kan sumarnag e girdi’ ni ke yim’ ni ka nap’an e June 1989 ma ra yan i mada’ ko lukngun e nep’ u m’on ko duw ni 2000. Ma ra taw ko ngiyal’ nem ma ra gaman reb e raay e million ni ke chub fare masin​—ni aram e namba ni sogonap’an e girdi’ ni kar m’ad ko mahl u nap’an e bin 20 e chibog.

Gonap’an 2,000 e duw kafram, i yog Jesus Kristus nra m’ug ba ngiyal’ ni ‘bay reb e nam me cham ngak reb e nam, ma gin nsuwon reb e pilung e bayi mahl ko gin nsuwon reb e pilung.’ Ke n’uw nap’an ni ke machibnag e Pi Mich Rok Jehovah ni pi mahl ko re chibog ney nge durru’, nge liliy, nge uyungol, nge yugu boch ban’en ni ke buch riy e be micheg ni gad be par ko “tin tomren e rran”​—ni aram e ngiyal’ nra m’ug u tomren ni ke Pilung Kristus u tharmiy ko duw ni 1914.​—Luke 21:10, 11; 2 Timothy 3:1.

Fare Bible e aram kenggin e thin nib fel’ ni ma wereg e Watchtower nra thirif e Gagiyeg rok Got u but’ e piin ni ma togopuluw ku Got ma ra paradisnag e fayleng. Ma ra diin e mahl nga m’on? Be weliy e Bible ni gaar: “Mired, ngam guyed e tin ni ke rin’ Jehovah! Mu guyed e pi n’en ni yira ngat ngay ni ke ngongliy u daken e fayleng. Be taleg e pi mahl ni yibe tay u fayleng iyan. Be t’ar e gat’ing ma be kirebnag e sarey, ma be urfiy e pi talin e cham.”​—Psalm 46:8, 9.

[Credit Line]

Clock: By Courtesy of the Imperial War Museum