“Machaf ko Tin Riyul’”

“Machaf ko tin riyul.” Aram rogon ni bay u reb e babyor ni kan pi’ u tochuch ko Pi Mich Rok Jehovah u Nigeria ni be weliy morngaagen l’agruw e babyor nib ga’ fan. Cha’ ni ke yoloy e be’ ni kab pagal ni ke weliy ni gaar:

“Gu be yol ni nggu dag gelngin ni gu be pining e magar ko maruwel romed ni ri ma taw nga gumerchaey ni morngaagen e pi n’en ni ma ayweg e par rodad u gubin e rran ni bay u lan e pi magazine ni Watchtower nge Awake!

“17 e duw rog. Fa binem e duw ma ke fl’eg reb e local radio station reb e essay competition ni kenggin e ‘T’ufeg e gathi ke mus ni adag ko pumoon nge ppin. AIDS reb e m’ar nib riyul’.’ Ra reb e essay ma dabi lich ko aningeg miriay e yu bugithin riy. Puluwon e bin th’abi fel’ e essay 1,000 e salpiy ni naira. [$12.50, U.S.] Ka rogned ni gathi ke mus ni ngan yoloy ni fan e nge yog puluwon ya bochan ni ngan fil ban’en riy. . . .

“Kug pirieg morngaagen e AIDS u lan fagali babyor. Ma boor ni boor e thin riy ni ke weliy morngaagen e t’ufeg. Kug fanay boch e thin u lan fare Awake! ko August 8, 1978.

“L’agruw e pul nga tomren ni kug pi’ e essay rog me taw e thin ko mini’ e rib fel’ e tirok. Kug gin ngay ya gag e bin som’on ko Binaw nu Cross River nge Akwa Ibom!

“Urngin e thin ni kug fanay e ke yib ko fagali magazine. Rib fel’ ni ke weliy Jehovah ngodad morngaagen e re fayleng ney ni kari gel e kireb riy. Gadad e tin riyul’ e Kristiano e gadad manang ni t’ufeg e kab yoor boch ban’en ni kab fel’ ngay ma gathi ke mus ni go’ par ko pumoon nge ppin. Ma arrogon gad ra par nib biech ma rayog ni ngad siyeged e m’ar ni AIDS.

“Dabi yog ni nggu tal i pining e magar ngomed ko re machaf ko tin riyul’ ney ni damur malmalgad ni ngam fl’eged. Manga yigi ul’ul’ Jehovah i taw’athnag e maruwel romed u nap’an ni gimed be fl’eg e pi babyor nib t’uf ney.”