Kan Pi’ E Fulweg nib Fel’ Rogon

FARE Catholic Herald, ni aram e shimbung ko Katolik ni British Roman e ke weliy reb e thin ni yoloy be’ u Wales ni gaar: “Reb e nep’ meb l’agruw e Pi Mich Rok Jehovah nga tafenag. Ku gog ngorow ni fare Galesiya ko Katolik e ir e be micheg e thin ko fare ke Bible ni New Testament ni yow be weliy e thin riy. Kug gin ngay ya yog bagayow ni ri aram rogon. Ke gaar, ‘Arrogon, gimed ma micheg e re n’em machane damur folgad riy. Ya yog Jesus ni “nge bigimed met’uf bigimed rok, nibod rogon nigimed ba t’uf rog,” machane gimed ma thang e fan romed. Fa binem e mahl ni kan tay e li’ e Katolik e Katolik, machane dariy reb e Pi Mich Rok Jehovah ni ke li’ yugu reb e Mich.’ Mang e rayog ni nggog ya rib puluw e re n’em? Uw rogon nrayog ni ngad yibilayed ni nge taareban’dad e ‘pi walagdad ni gathi yad e Katolik nu Roma’ ma de taareban’mad? Gathi susun ni som’on ma nggu yaluweged e magawon romad?”​—John 15:12.

Fagali mahl ko fayleng u nap’an e bin 20 e chibog ney e kan tababnag u Kristendom ma 50 milyon ara 60 milyon e girdi’ ni kar m’ad riy. Machane ri rayog ni ngan nog ni Pi Mich Rok Jehovah e dar uned ko pi mahl nem, maku arrogon e chiney e dar ma uned ko cham ni yibe tay. Uw rogon nrayog e re n’ey? Ra yib angin ngom ni ngam fl’eg i yaliy gelngin e t’ufeg ko Kristiano nge taareban’uy ni bay ko lal e milyon e Pi Mich Rok Jehovah u polo’ u fayleng.​—Mu taarebnag ko Isaiah 2:4.

[Picture credit]

U.S. National Archives photo