Yad Ma Pining E Sorok Ko An Ni Sunumiyrad Ni Dariy Lamrad

RIB fel’ yaan e ngiyal’ ni ke thig e yal’. Ma ngan guy e yal’ ni be yan nga tomur ko re burey ney nu Apuan Alps u Tuscany, Italy, e aram ban’en ni rib lingagil.

Ran guy e re n’em nib palog, ma be m’ug riy ni be yan e yal’ nga fithik’ fare burey ma gathi u tomur. Mang fan? Ya p’ebgul e burey e bay ba arch ni bod ni kan kuruf e re burey nem. Arrogon re promontory ney e bay e ngochol nib puluw ngak ni Monte Forato​—fare Burey ni kan Kuruf. Bochan rogon ni ma liyeg e fayleng e yal’ ma ke mus ni l’agruw yay u reb e duw ni rayog ni ngan sap ko re arch nem ma ra m’ug riy ni be yan e yal’ u fithik’ fare Burey ni Monte Forato.

Lan e lang e ma pining e sorok ko An Tasunmiyrad ni bod e tin ni ka bay ban’en n kan sunmiy. Uw rogon? Bod rogon yaan ban’en ni kan achey nib fel’ yaan e ma n’uf e an ni ke artnag. Aram rogon e pi n’en u lan e lang e yad ma tamilangnag gelngin Jehovah nge gonop rok, nge felngin. Bod rogon ni yog e an ni ke yoloy e thin ko Psalm ni, “lan e lang e rib gagiyel ni be gilnag buguwan Got! Rib gagiyel ni be dag e n’en ni ke sunumeg.” (Psalm 19:1; 69:34) Yal’ nge yugu boch ban’en ndariy e yafas riy e ma pining e sorok ku An Sunmiyrad, me ere susun ku arrogodad!​—Psalm 148:1, 3, 12, 13.