Kan Pining e Sorok ko Reb e Convention nib “Lingagil”

BE’ ni ma non ko radio u Lima, Peru, e ke maruwaran’ ko Pi Mich Rok Jehovah. Machane tomren ni ke un nga reb e district convention ma ke thil e lem rok. Ma riyul’ ni kari ngat ngay ma ke pining e sorok nogorad u nap’an ni be non ko radio. Baaray boch e thin ni yog:

“Rib lingagil e re convention nem. Ya dariy reb e dow ni kan n’ag nga but’ ma dariy be’ ni be shiyobay u rom. Maku dariy e magawon ko karro ni pire’ ni traffic jam. Lal i biyu’ nge l’agruw miriay e girdi’ e kar uned ngaram ni ra bagayad ma ke pi’ puluwon e yan rok, ma ra bagayad ma ke fek e pakit, nge tabangin e mad, nge duster, nge dustpan, nge wolgow, nge hand brush, nge tebkro, nge soap ni ngan luknag min gichiy e fraf. Kan achey e yu gin nib t’uf ni ngan achey. Ma u uw e yib e salpiy riy? Yad e kar pied! Nap’an ni ka nog ngorad ni bay ban’en nib t’uf ni ngan rin’, ma yad gubin e ra feked e salpiy ko tafen e salpiy rorad min pi’. Nggog ngom, fare Galesiya ko Katolik e bod ni be mol ni fan ko pi n’en ni aram rogon. Gu ba adag ni nggu pining e sorok ko Pi Mich Rok Jehovah nge piin ni kar fl’eged e re muulung nem. Ma gu ba adag ni nggog u fithik’ gum’ercha’eg ni Nge ayuwegmed Got ma nge flaabnagmed.”

U lan e pi mach u ga’ngin e fayleng ko re duw ney ma Pi Mich Rok Jehovah e ra un ko fare District Convention ni “Par nib Puluw ko Kanawo’ rok Got.” Ga ra un ngay fa?

[Blurb ko page 32]

“Dariy taareb e dow ni kan n’ag nga but’”