Kan Sulweg Fithingan Got Nga Rogon

“ATOMREN ni kan chuweg fithingan Jehovah u Bible ko boor e duw nge boch e chibog, ma pi mich rok ko ngiyal’ ney e go’ yad e pi Kristiano ni kar guyed rogon ni ngar sulweged e tetragrammaton nga rogon.”a

Fapi thin ni bay u lang e bay u lan e babyor ni Jeová dentro do Judaísmo e do Cristianismo (Jehovah u Judaism nge Kristianity), ni yoloy e tayol e thin nu Brazil ni Assis Brasil fithingan. Machane rayog ni ngan fith e deer ni baaray, Yugu aram rogon ni kan piliyeg e ngochol ni yib rok Got u boch e Bible u reb e kanawo’ ara reb, machane mang fan ni ke chuweg pi yurba’ i teliw e ngochol rok Got u Bible rorad? Be yog Brasil ni gaar: “Kan chuweg fithingan Got ya bochan e ba machmach . . . , sasaliyab, ara yi baadag ni ngan tolangnag fithingan Jesus nge chitiningin, ni Maria.”

Machane be tamilangnag Mr. Brasil ni be gaar: “Fre magawon ni kan chuweg e ngochol [ni yib rok Got] u Bible e kan yal’uweg nib polo’ u lan e New World Translation of the Holy Scriptures nthin nu Portuguese.” Uw rogon ni kan rin’? Kan sulweg fithingan Jehovah nga gubin yang ni immoy u lan e Bible. Ke pag 7,200 yay ni bay fithingan Jehovah u lan e New World Translation.

Ka nap’an e ngiyal’ ni kan ngongliy e re Bible translation ney, ke pag nel’ nge baley i million ken ni thin nu Portugal ni kan wereg. Ere ke fith reb e tayol e thin ko reb e simbung nu Brazil ni Diário do Nordeste (Northeastern Daily) ni be gaar, “Ga manang ni bay fithingan Got?” Yibe pining e magar ko re Bible translation ney ya bokum i million e girdi e rayog ni ngar rogned e arrogon. “Re ngochol nem ni yib rok Got e Jehovah.”

[Boch e Thin nra Tamilangnag Murung’agen]