Nap’an ni Gad ‘be Yan nga Mit e Nifeng’

I weliy Mark u murung’agn e ngiyal’ ni be yan pi gachalpen Jesus ko bowoch nga ranod nga baraba’ fare Lipath nu Galilee, me yog ni “kar gafgowgad ko maman, ya yad be yan nga mit e nifeng.” Me guyrad Jesus ma ke yib ngorad u daken e ran. Ma nap’an ni ke af ngorad nga bowoch, me mocha’ e nifeng.​—Mark 6:48-51.

Miki weliy Mark u murung’agen ba ngiyal’ u m’on riy ni ke “yib e nifeng nrib gel ngorad.” Ma aram me “non Jesus ko nifeng . . . , me mocha’ e nifeng, me aw e cho’.”​—Mark 4:37-39.

Ngiyal’ ney ma dabiyog ni ngad guyed e pi maang’ang ni aram rogon, machane boor ban’en nrayog ni ngad filed riy. Gad e girdi’ nde flont ma gad be par ko ngiyal’ nib gel e kireb riy, me ere ma yib mit e nifeng ngodad. (2 Timothy 3:1-5) Ma riyul’, ni yu ngiyal’ ma gad be lemnag ni kari gel e nifeng ni be yib ngodad ke bod e yoko’. Machane bay e ayuw! Ya ke pining Jesus ngodad ni gaar: “Mired ngog, ni gimed gubin e piin ni ke aw parowmed i fek e n’en nib tomal ni gimed be fek, mu gu pi’ e toffan ngomed.”​—Matthew 11:28.

Nap’an ni gowa ke yib ‘mit e nifeng’ ngodad, ma rayog ni nge “mocha’ e nifeng, me aw e cho’ ” u gum’ercha’dad. Uw rogon? Faanra nge pagedan’dad ko pi n’en ni yog Jehovah Got ni bayi rin’ ni fan ngodad.​—Mu taarebnag ko Isaiah 55:9-11; Filippi 4:5-7.