Tin Th’abi Yoor e Bible ni Kan Wereg ko Re Duw Ney

BYOOR e girdi’ ko ngiyal’ ney ni bay e Bible rorad. Aram e n’en ni weliy reb e report ko fare ulung ni United Bible Societies ya nap’an e duw ni 1998 ma boor ko baley i milyon e Bible ni kan wereg ko fa binem e duw. Ma ke yoor ko 57,200,000 ken e Bible ni kan wereg u ga’ngin e fayleng​—ni Bible ni polo’ ara yu yang riy. Be weliy fare report ni gaar: “Aram e be pi’ e athamgil nga lanin’dad. Ya be wer e Thin rok Got iyan ko ngiyal’ ney.”

Machane dariy fan ni ba’ e Bible rom ma damu bieg. Ya mereb guruy ko ragag guruy ko girdi’ nu Meriken e bay e Bible rorad ma ke mich u wan’rad nib manigil e thin riy. Machane ke mus ni 59 guruy ko raay guruy e girdi’ e ka rogned ni yad ma fol ko thin ko Bible. Ma 29 guruy ko raay guruy e ka rogned ni gathi ri yad manang ko mang e be weliy e Bible murung’agen.

Pi Mich Rok Jehovah e yad ma fl’eg e Bible ma yad ma wereg ngak e girdi’ ma yad ma fil e Bible ndariy puluwon ngak e girdi’ u lan 230 e binaw. Yibe fil e Bible ngak bokum milyon e girdi’ u ga’ngin e fayleng ma be yib angin ngorad. Yibe ayuwegrad ngar pithiged e pi magawon rorad e chiney, ma yibe fil ngorad e n’en ni yog e Bible u murung’agen e gabul nge langleth nge Gil’ilungun Got.​—Isaiah 48:17, 18; Matthew 6:9, 10.

[Picture on page 32]

Yibe fol Bible u tabinaw ko girdi’ u (lang ko ba’ ni gilay) u Bolivia, Ghana, Sri Lanka, nge England