Kan Sulweg Fa Pi Luwow Nga Buguli Pa’row

“AM SAP nga buguli paag. Kam guy ban’en ni ke thil riy?” Reb e pumoon e ke dag pa’ ngak be’ ni ppin ni ir reb e Mich rok Jehovah, ma yigi sap nga pa’ fare pumoon me nang ni dakuriy e luwow rok ni fan ko mabgol. Me weliy fare pumoon ni dabki fel’ thilrow e ppin rok, ar fan ni kar duguliyew ni ngar dargow. Me gaar fare ppin ppin ni reb e Mich, “Danga’!” “Ngam fek e biney e babyor ngam bieg ya rayog ni nge ayuwegmew ko mabgol romew.” Ma aram, me pi’ ngak bochi ke babyor ni thin riy e kan fek u Bible ni Knowledge That Leads to Everlasting Life fithingan.a

Me in e rran nga tomren me sul fare pumoon ni be falfalan’ ngeb ko fare ppin ni Mich rok Jehovah. Me bi dag biyay pa’ ngak. Ma yay nem ma bay fare luwow ko mabgol riy u buguli pa’. Me yog ngak ni kar biegew leengin fare babyor ni Knowledge ma kar ri falfalan’gow e chiney. Fare ke babyor e ke sulweg fapi luwow nga buguli pa’row biyay.

Fare fanow ni bay u lan e Bible e rayog ni nge ayuweg e mabgol ngar t’ufegew yow. Riyul’ ni aram rogon ya en ni Sunmiydad e ku ir e n’igin ni ngan yoloy e Bible, me gaar: “I gag Jehovah, ni Got romed e Gu be fil ngomed e pi n’em ni nge fel’ rogomed riy, me gag e En ni be pow’iymed ko kanawo’ ni thingar marod riy.”​—Isaiah 48:17.

[Footnote]