Mang E N’en Ni Bay U New York Ni Ke Tawreng

FARE yol ni rayog ni ngan guy uro’ e kan ta’ nga reb ko fapi naun ko Watchtower Society’s factory buildings u Brooklyn, New York, ni ka nap’an e pi duw ni 1950. Girdi’ ni ma milekag, nge pi tourist, nge yugu boch e girdi’ ni ma yan u rom e yibe puguran ngorad ni ngara bieged e Bible u gubin e rran. Reb e babyor ni yira bieg ni ke pi’ reb e rugod, ni ir reb e mich e be dag ni bay angin e pi yol ney.

“Gu be weliy ko classmate rog ko mang gu baadag ni nggu rin’ u nap’an ni kug mu’ ko high school. Kug tabab ni nggu weliy murung’agen yu Bethel, fare headquarters ko Pi Mich Rok Jehovah, ma kari falfalan’ ni bochan. Ke yog ngog ni ma par u New York City ni polo’ e yafas rok. Tabinaw rok e gathi ri yad ma tiyan’rad ko teliw, machane gubin e rran ni kakadabul ko ngiyal’ ni nge sap u winda nga wen, ma bay fare yol ni be gaar ‘Mu bieg e Thin Rok Got nib Thothup ni Gubin e Rran.’ Ere gubin e rran ma ma bieg e Bible rok um’on ni nge yan ko skul.

“Ma tomren ni ke chuw ko fare mach, me yog ni fare n’en ni ke tawrengnag ni bay u New York City e nap’an ni nge od, ma dabkiyog ni nge guy fare yol ni kan ta’ ko naun ni Watchtower, ma ke mecham ni nge bieg e Bible, ere ke ulul ngay ni nge bieg e Bible u gubin e rran!”

Dariy yugu reb e kanawo’ ni kab fel’ ni ngam tababnag e rran rom ni ngam bieg bang ko thin rok Got! Ra ngan yodor, ma dariy e maruwar riy ni ra fel’ uwan’um fapi thin rok Paul ni apostal ni gaar: “Fare babyor nib thothup . . . ni ir e rayog ni nge tamilangnigem u rogon ni yima thap ngak Got, ni ma yog u daken e michan’ ngak Kristus Jesus.”​—2 Timothy 3:15-17.