Mang Fan ni Ngan N’ag Fan?

“SCIENTISTS e kar tababgad i gaweg rogon e re n’en baaray ni ngam n’ag fan u wun’um e n’en ke rin’ be’ ngom ni dabum me ere bebi m’ug ni ba gagiyel ni re n’ey e ba mudugil ni bay gelngin ni ma yib angin ko lem​—maku rayog, ni ku ba’ angin ko dowef—​rarogon dowey,” ara’ rogon ni ke yog fare simbung ni The Toronto Star of Canada. Keni mada ko chiney me, Professor Carl Thoresen of Stanford University, U.S.A., ni ir e baga’ ko re guruy i maruwel ney ni ka nog e Stanford Forgiveness Project ngay, e ke yog ni ke gaar, “rib lich e girdi’ ni yad be nang fan e re n’en baaray ni ngam n’ag fan uwun’um e n’en ke rin’ be’ ngom ni dabum nge ku rogon ni ma yib angin.”

Yima lemnag ni n’ag fan e kireb ku be’ ni rib riyul’ e rib ga’ fan ko pi Kristiano. Fare Toronto Star e yog fan e re n’ey ni gaar, “faan mu nang ni kan rin’ ban’en ngom nib kireb, ma nga rim pag i lemnag urngin e n’en ni ri i k’aring e kireb nga lanin’um, ma ga yan ngam nonow fa cha’ u fithik’ e sumunguy nge t’ufeg.” Thingari dabi bod rogon ni baaray ni kay gu mu fek owchem riy fa lungum e kaygi fel’, ara yu gum pag, fa reb e yugum dariy fan nag ban’en nib kireb; maku dab mu pag ni nge mang gur e umu gafgow ara i kireban’um. Rogon ni kannog e kiy ko bin riyul’ ni kam n’ag fan e kireb ku be’ “e nga rim pag e damumuw nge tafinay ni ba kireb.”

Be yog e girdi’ ni yad ma gaweg murung’agen ban’en ni yad be gaar kab t’uf ni nga kun gay boch murung’agen e n’en ma rin’ e n’agfan e kireb u wun’uy nga dowdad. Machane, karogned angin ni ma yib ko lem ko girdi’, ni ba muun ngay e “mochuch, marus nge kireban’.”

Ma reb i fan nib ga’ ni nga un n’ag fan e kireb ku be’ e bay u Efesus 4:32, ni be gaar: “Machane um golgad ngomed, me bigimed me munguy ngak bigimed, mu um n’iged fan u wun’med e tin nib kireb ni ke rin’ bigimed ngak bigimed, ni bod rogon Got ni bochan Kristus ma aram fan ni ke n’ag fan u wan’ e kireb ni kam rin’ed.” Faanra yib ko bin baaray ni ngan n’ag fan e kireb ni ke rin’ be’ ngom, maku reb i kanawoen e yibe ning chilen ngodad, ni thingarda folwokgad ku Got.​—Efesus 5:1.

Faan yira siyeg ni ngan n’ag fan e kireb ni ke rin’ boch e girdi’ ni ba’ rogon ni ngan runguyrad ma dan rin’ ma rayog ni togopuluw nge kirebnag e tha’ u thildad Got. Jehovah e be finey ni nga uda n’iged fan e kireb rodad u wun’dad. Ma aram e rayog ni ngad meybilgad ni nge n’ag fan e kireb rodad.​—Matthew 6:14; Mark 11:25; 1 John 4:11.