T’ufeg ko Kristiano Gathi Kemus ni Nga Nog

NAP’AN ni ke yik e naun ku reb e tabinaw ni Bartholomew fithingan u Trinidad, ma ke m’ay urngin e chugum rorad goo yafas rorad e ke magay. Reb e girdi’ rorad ni be par nib chuchugur ngorad e ke ayuwegrad ni ke fekrad nga tabinaw rok, machane dawori m’ay e magawon rorad.

Olive Bartholomew ni ir reb e Mich rok Jehovah, nge yugu boch e girdi’ u lan e ulung ni ma un e re walag ney ngay​—nge yugu boch e e walag ni yad ma par ko reb e binaw nib chuchugur ngorad—​e kara pied e ayuw ni ngar tababgad i fleg e naun rok ni ke yik. Kan yarmiy e ulung ara committee ni fan ni ngan ayuwegrad ko re magawon ney, min tabab i toy e naun. Sagonapan 20 e Pi Mich, mab muun ngay e piin ni buguli yoror rorad ni ur moyed ko re gi n’em. Musko piin ni ka yad ba pagal ma kara uned ngay, ma boch i yad e ka ranod ni fan e ngara pied boch e ggan ngorad.

Ke yog Olive ni gaar: “Kari falfalan’ chon e tabinaw rog,” rogon e thin ni ke yog fare Sunday Guard­ian u Trinidad, me ulul ngay ni gaar, “Tabinaw rog e gathi yad e Pi Mich, ma kari gin e pumoon rog ko n’en ni be guy.”

Kan sumarnag e maruwel ni kan tay riy, ma en ni ir e ke ayuweg urngin e girdi’ ni kar uned ko re maruwel nem e ke weliy ni n’en ni kan rin’ e ir e pow ko tin riyul’ e Kristiano. “Gamad e gathi kemus ni gamad ma yan ko machib u mit e tabinaw iyan ni gamad ma weliy ngak e girdi’ murung’agen e t’ufeg,” me ulul ngay ni gaar, ya “Gamad ma guy rogon ni nggu folgad ko thin ni gamad ma machibnag.”​—John 13:34, 35.

[Picture on page 32]

Olive Bartholomew nge pumoon rok