Fare Cham ni Ngan Chuweg e Magawon ko Piin nib Gafgow Ereray e Mahl ni Dabiyog ni Ngan Gel Ngay?
BOCH e tourist e karbad ra guyed fare naun ko United Nations ni bay u New York City e kar guyed fare Economic and Social Council Chamber, ni bay boch e pipe ni be m’ug ko fare ceiling u reb e gallery ni fan ko girdi’ ni yoor. Fa en ni ma ayuweg fapi tourist e weliy ni gaar: “Fare ceiling ndawori m’ay ni goo yibe guy e pow riy ni be puguran ni fare maruwel ko fare United Nations ni ngan ayuweg e tabinaw nge fel’ boch e par riy nge ngan ayuweg e pi ulung ko girdi’ e ri dabki m’ay; be par ni gubin ngiyal’ ma bay ban’en nrayog ni ngan rin’ ni nge mon’og e par ko girdi’ u fayleng.”
Yugu aram rogon ni fare ulung ni ka nog e Council ngay e ke milfan ngorad ni nga ra pied e athamgil nga laniyan’ urngin e girdi’ ni ngar maruwelgad me fel’ boch e par rorad, e gowa dabi m’ay e re maruwel ney. Tin nib fel’ ni ngan lemnag, e nap’an ni immoy Jesus Kristus u fayleng ni be wereg e machib ko fa bin som’mon e chibog C.E., me yog ni gaar: “Fare Kan ni Thothup rok Somol e ke yib nga dakenag. Ke liyfeg ni nggu machibnag e Thin Nib Fel’ ni yib rok Got ngak e piin ni gafgow.” (Luke 4:18) Mang fare “thin nib fel’ ” ni i wereg? Ereram e thin u murung’agen fare Gil’ilungun nra fal’eg Jehovah Got ni Jesus Kristus e ra mang Pilung riy, nra mang “manaf ko piin nib gafgow ko ngiyal’ ni . . . kar magawongad.” Mang e ra rin’ e re Gil’ilungun nem? I yiiynag Isaiah ni gaar: “Mmutrug nra fal’eg Jehovah reb e mur ni fan ko urngin e girdi’ . . . ni aram e mur ni yira fal’eg e ggan riy ni boor e gapgep riy nib sug ko malgow ni bay e wine riy ni kan chaariy nib n’uw nap’an, ma kan chuweg e tin nib alit riy. Ma ra ful’ e yam’ ndariy n’umngin nap’an, ma mmutrug ni Jehovah ni ir e th’abi tolang e ra chuweg e lu’ u owchen urngin e girdi’.”—Isaiah 25:4-6, 8, New World Translation.
Ga baadag ni ngam nang boch murung’agen nge u rogon ni ra ayuweg fare Gil’ilungun Got e “par ko girdi’ u fayleng ni nge fel’ rogorad,” ma aram e dakuriy ban’en ni nge yog ngorad? Ngam sap nga but’ ni ngam nang ko uw rogon ni nge yib be’ ngom ni bay rogon ni nge dag ngom e n’en ni be yog fare Bible murung’agen.