Report Ko Piin Ni Ma Wereg E Thin U Murung’agen Gil’ilungun Got

India​—“Yad ba Taareb u Fithik’ e Girdi’ ni Dar Taarebgad”

“YIBA Taareb u Fithik’ e Girdi’ ni Dar Taarebgad” ireram boch e thin ni yima yog ni ngan dag ni ke taareb e girdi’ nu India. Rogon ni yira taarebnag e girdi’ ko re nam ney ni baga’ nib thil thil e yalen rorad, nge thin, nge teliw, nge ethnic roots, nge mad, nge ggan ma de mom. Machane, re taab girdi’ ney e rayog ni ngan guy u reb e tochuch ko Pi Mich rok Jehovah u India, nyugu aram rogon ni urngin e girdi’ ni ma maruwel u rom e kar bad ko pi state ni boor nge boch e binaw ni kar pired u taabang ma yad ma non nib thilthil.

• Man mu guy Rajrani​—ni reb e rugod ko fare binaw ni Punjab, u yimuch ni ngal nu India. Nap’an ni ka be un Rajrani ko skul, ma en ni classmate rok e ke tabab ni nge un ko Pi Mich rok Jehovah ko fol Bible. Re rugod nem e ke guy rogon ni nge pi’ e athamgil nga laniyan’ Rajrani ni nge adag e Bible. Bochan ni cha’ nem ni classmate rok e gathi ri manang e thin nu Meriken ma fare babyor ni The Watchtower e daworni thiliyeg ko thin ni Punjabi ko ngiyal’ nem, ma aram me ning e ayuw ngak Rajrani ni nge thiliyeg e thin ko fare magazine nge nang fan. Ma kari adag Rajrani e thin ni ke beeg u lan e The Watchtower nyugu aram rogon ni ke togopuluw ngak e gallabthir rok, me mon’og ma ke yog rok ni nge ognag e yafas rok ku Got ni Jehovah. Chiney be un ko maruwel u Bethel nu India, ma be rin’ e maruwel ni ri aram e n’en ni ke ayuweg e cha’ nem ni nge guy e tin riyul’. Ma thiliyeg boch e babyor ni fan ko Kristiano nge mang thin ni Punjabi!

• Muku mu lemnag Bijoe, ni yib u yugu bayang u India​—u yimuch ni ngal ko state nu Kerala. Bijoe e kani chuweg ko high school ni bochan ni de un ko pi ngongolen e nam u nap’an ni uni madenom ni fan ko nam. Tomuren e court rok ni ba n’uw nap’an meni m’ay, ni ke gel ma ke mang ba pow ni ke gel e bin ba machalbog e liyor, me sul Bijoe nga skul.a Miki yan nga college. Machane, bochan e pi ngongol ni de puluw ni un rin’ ni dabun laniyan’, ma aram me chuw ko bin som’mon e term. Ere chiney u tomren ragag e duw u Bethel, ma ke lemnag ni baga’ angin ni keb ngak ni ke mang reb i chongin fare tabinaw ni Bethel family ni yugu aram rogon nib thil thil e girdi’ riy machane yad ba taareb ko bin faan ma ngaki gay rogon ni nge tolang boch e skul rok.

• Norma nge Lily e yow l’agruw ni ke pag e 70 e duw rorow ma kem’ e pumoon rorow ni ke yoor e duw. Ra bagayow ma ke mu’nag 40 e duw ko maruwel ni ki i tay. Lily e ki i maruwel ko fare branch ni ke gaman e 20 e duw ni ki i piliyeg e thin ko thin nu Tamil. Me Norma e yib nga Bethel ni 13 e duw ni ke yan u tomuren ni ke yim’ figirngin. Ma kub fel’ e ngongol rorow yow ma tayan’row ma yow ma athamgil ma yow ba pasig ma kub gonop e maruwel rorow, yow e yow ma k’aring nga i taareb lungun e girdi’ ni gubin u Bethel. Yow baadag ni yow ma non ma yad be thin e piin ni kar bad nga Bethel, yow baadag ni yad ma par e piin ni fel yangaren ni chon e Bethel family, nga uri thin gad ma yow be weliy boch ngorad gelngin e falfalan’ ko pi duw ni ma par e Kristiano ni yad ba fas. Ma n’en ni ma rin’e piin ni fel’ yangaren ngorow e yad ma piningrow nga singgil rorad ni bochan ni nga uri chaggad nga uri thingad mu uni ayuwegrow ni faanra ba t’uf. Re be ngongol ni rib manigil!

Bochan ni kar n’aged u wan’rad e pi kireb ni be k’aring e tathil nge cham nge yoor lungun u boor yang, ma aram e pi cha’ ney ni kar ognaged yad e ri yad be pigpig nga boch e girdi’ ni yad chon fare Bethel family ni yad taareb nu India.​—Psalm 133:1.

[Footnote]

[Picture Credit Line on page 18]

Background: Mountain High Maps® Copyright © 1997 Digital Wisdom, Inc.