Fol Bible Baga’ Fan Ngom Fa?

“DABNI bieg ni faanra dariy reb e padrey.” Re n’en ney e ma yib i m’ug u m’on u boch e Bible ko Katholic ni be ginang e girdi’. “Gadad ni gadad e Katholic e gathi gubin ngiyal’ ni gadad ma sap nga Bible,” arrogon ni yog Kay Murdy ni be’ ko Katholic Bible Institute u Los Angeles, “machane binem e be thil.” Nap’an ni yan i naab e katholic nga rogon e n’en ra rin’ e Babyor ni Thothup ko yafas rorad, me yog ni gaar, “me yib ngorad e bilig nge belel ni fan ko tirok Got ban’en u Bible.”

Ma re n’en ney ni thil, e fare magazine ni U.S. Catholic e sul u daken ban’en ni yog be’ nib moon ni ma yarmiy e skul ko teliw ni yog Katholics ni ma un ko yuraba’ i skul ko fol Bible e kar lemnaged ni “yad e Katholics e dan pi’ ngorad oren e tin ni ngan pi’ ngorad ma Bible e bay e fel’ rogon riy ni rib baga’ fan. Yad baadag ni nge yog ngorad boch e pi fel’ rogon nem ya yad be lemnag ni de yog ngorad ni aram e fel’ rogon ko tirok Got ban’en.”

Yugu demtrug rogon ma, be mang “fel’ rogon” e ba’ ni ra pirieg be’ ni be un ko fol Bible? Ayugu mu lemnag: Ga baadag ni ngam nang rogon e n’en nga u mu rin’ ko par u fithik’ e magafan ni gubin e rran? Uw rogon ni gapaseg nge mocha’ lan e tabinaw? Mang fan ni ke yoor e ngongol ni maangach nge togopuluw ni be tay e girdi’ u lan binaw? Mang e be k’aring e wagey nge cham ko piin ni fel’ yangaren ko tiney e rran? Fulweg nib puluw ma rayog i pagan’uy ngay ko pi deer ney nge ku boch ban’en ni be maruwaran’uy riy e rayog ni ngan pirieg u fithik’ e thin rok Got, ni fare Bible, ni aram e bogi “fel’ rogon,” nib mudugil, ni gathi kemus ni goo Katholics ara Protestants ya ku e ri tay Buddhists, Hindus, Muslims, Shintoists, maku arrogon e atheists nge agnostics. Ni bod ni tay fa cha’ ni psalmist ni gaar, ‘Thin rok Got e ba magal ko rifrif u ay ma be gal’ e kanawo’ rok.’ Ku rayog ni nge taareb rogon ngom.​—Psalm 119:105.