Tin Ra Magay U Lanin’uy

RA reb e duw, ma Pi Mich rok Jehovah ko pi nam rorad e yad ma muulung nga taabang nrogon e kristiano ko fapi assembly nge convention rorad. Yad ma rin’ ni aram rogon ni fan e ngara falfalan’gad ko thin nra gelnagey ko tirok Got maku rayog ni ngara chaggad ngak yugu boch e girdi’ u lan e ulung. Machane boch ban’en ko pi muulung rorad ney e ra magay u laniyan’ e piin ni kar uned ngay ma ri yad ma lemnag.

Ni bod rogon, ko pul ni July ko duw ni 1999, ma bokum biyu’ e Pi Mich nu Mozambique e kara muulunggad u taabang ni dalip e rran ko pi District Convention rorad ni kenggin e fare “Thin Rok Got ni Fapi Profet e I Weliy”. Boor i yad e fin aram e yay nsom’mon ni ke un ko convention. Kar ngatgad ngay ni gathi kemus nbochan e thin ni kar rung’aged u platform ya ku bochan e n’en ni kar guyed u toobrad.

Thin ni ke weliy be’ u Maputo Assembly Hall e baaray: “Ri dawor gu guy bangi ban’en ni rib fel’ yaan ni bod e biney u n’umngin nap’an e yafas rog! Bay e soap nge thirek u lan e pi bathroom riy, ma rib biech bon. Ri yad ba gapas ma dariy laman e pi bitir ni be cham. Ma dariy be’ ni be thuruy be’! Ku guy e piin ni ba fel’ yangaren ni yad be sabethin ni yad ba falfalan’. Maku kug ngat nga rogon e munmad ko urngin e girdi’ nrib fel’ rogon. Bin migid e tayim, e nggu fek e pi bitir rog ma nggog ko pumoon rog ni nggu uned ko biney e convention ni gamad gubin.”

Arrogon, yul’yul’ nge feni biech downgin e Pi Mich rok Jehovah e de par nib mith. Mang fan nib thil e Pi Mich? Ya bochan e ri yad ma athamgil ni ngara folgad ko tin ni kara filed u Bible. Mang fan ni dabni un ngorad ko pi national convention rorad ko biney e duw ara ngan un ko pi muulung rorad u gubin e wik u Kingdom Hall rorad ma aram e rayog ni ngan guy?

[Picture on page 32]

ZAMBIA

[Picture on page 32]

KENYA

[Picture on page 32]

MOZAMBIQUE