“Kug Pirieg Urngin Ban’en Nib T’uf Rog”
ROGON ni yog reb e ulung e gonap’an 120 milyon e girdi’ u ga’ngin yang e fayleng e ngiyal’ ney e ke mulan’rad. (World Health Organization) Gubin e duw ma reb e milyon e girdi’ ni ma li’ ir, ma gonap’an 10 nge mada’ ko 20 e milyon e girdi’ e yad ma guy rogon ni ngar lied yad. Mang e rayog ni nge ayuweg e piin ni ke yib e magawon ngorad ni aram rogon? Boch e falay e rayog ni nge achignag e magawon rorad, ma kub ga’ fan ni ngan pi’ e athamgil nga lanin’rad. Ma ku bay boch e girdi’ ni ke yib e magawon ngorad ni aram rogon ni ke ayuwegrad boch e Babyor ni ke fl’eg e pi mich rok Jehovah. Baaray reb e babyor ni yib u France ni be dag nriyul’ ni aram rogon.
“De n’uw nap’an faram ma kug lemnag ni dakuriy fan e yafas rog. Kug meybil ku Got ni nggum’. Gowa ri dakugur thamiy ban’en. Ka ri gu meybil ku Jehovah ni nge ayuwegeg ni nggu nang ko mang e nggu rin’.
“Ma kug fal’eg i gay boch e thin u lan e Wulyang Ntagil’ E Damit nge Awake! ma kug gin ko n’en ni kug pirieg! Kug beeg e pi babyor ney ni gubin ngiyal’ ni ke pag 15 e duw, machane ka fin gguy ni pi Article ni bay riy e ri ma fal’eg lanin’uy. Bay boor e thin riy ni be weliy rogon e t’ufeg, ma ke buchuuw e babyor ni aram rogon e ngiyal’ ney. Kug pirieg urngin ban’en nib t’uf rog.”
Be gaar e Bible: “Somol e ba chugur ngak e piin ni ke mulan’rad; ma piin ni ke math e liyeb ngorad e ma chuwegrad u fithik’ e tin ni ke yib ngorad ni kar gafgowgad riy.” (Psalm 34:18) Dariy e maruwar riy ni Bible e rayog ni nge pi’ e athamgil nga laniyan’ e piin ni ke “mulan’rad,” ma ku rayog ni nge pi’ e athap ngorad boch nga m’on. Pi Mich Rok Jehovah e yad ma wereg boch e Babyor ni bay e thin nu Bible riy ni ma fal’eg lanin’uy.