Mu Mel’eg e Yafas ni Manemus

GIRDI’ e dariy ba ngiyal’ aram ko som’mon i yib ni ke aray feni yoor ban’en ni ngar mel’eged e bini yad baadag u fithik’. Ni bod rogon, e mad ni ngad chuwgad ngay, miti ggan ni ngad ked, nge gin ngad maruwelgad riy nge par e kub ga’ ni bayi n’en ma gadad mel’eg rogon ni gad baadag. Boor yang u fayleng, ni ngan mel’eg e mabgol e ku ban’en nib yalen ni yima rin’. Machane, fare Bible, e be dag reb e ban’en ni yima mel’eg nib pag fene fel’ nga urngin e pi n’en ni yima mel’eg​—reb ni urngin e girdi’ ma ba puf mat’awun ngay.

Fare Bible e gaar: “Ani ke par nib mudugil ni bochan e tin nib mat’aw e bay u kanawoen e yafas, machane ani be l’ol’og e tin kireb e bay u kanawoen e yam’ ni ir e bayi yim’.” (Proverbs 11:19, NW) Me Jesus Kristus e weliy ni gaar: “Baara’ ira’ e yafos ndariy n’umngin nap’an ni aram e nge nangem e girdi’ ni kari mmus ni gur e bin riyul’ e Got, mi yad nang ko mini’ Jesus Kristus, ni ir e kam l’og ke yib.”​—John 17:3.

Arrogon, Ani Sunmiydad e ke pi’ ngodad kanawoen ni ngad mel’eged reb e kanawo’ ni ra yan ko yafas ni manemus! Mang e n’en thingarda rin’ed me yog e yafas ni manemus ngodad?

Rogon ni ba’ ko fare Bible e gaar, “U kanawoen e mat’aw e bay e yafas riy.” (Proverbs 12:28, NW) Rayog ni ngada uned nga fithik’ e piin nib mat’aw ni yad ba’ u kanawoen e yafas ni manemus. Uw rogon? Bod rogon ni nge mudugil u wan’dad ni yafas rorad e ba puluw ko tin nib m’agan’ Got ngay nge tin ke ta’ chilen. (Matthew 7:13, 14) Ere gad be athapeg ni manga da mel’eged e bin nib mat’aw me yog ngodad e taw’ath rok Got ni yafas ni manemus.​—Roma 6:23.